丹麥餅店

营业中

休息中

每逢香港大球场有赛事举行都会令我谂起丹麦饼店，佢炸鸡肶、鸡翼香味就会晌记忆中浮现。丹麦饼店无设堂食位置，右手边系煮食既地方，而左手边系面包柜位，零零星星几个面包，陈设古旧兼有 d 凌乱，几个老拍挡打点舖头，合作无间，果份亲切感令我想起儿时屋企楼下熟悉既士多，一份老香港情怀。 炸鸡肶：睇住老师传将淮盐洒落刚刚炸好既鸡肶上。鸡皮异常香脆，皆因鸡皮既油份经慢火炸后都迫洒出黎，所以鸡皮食落唔 "纳" 口，鸡肉又唔嚡，一绝！可惜鸡肶无腌过，淮盐只能晌表层发挥功能，食到中间位置会比啖，扣左好多分！ 芝士汉堡包：包系丹麦饼店自家制，经翻烘后包能保持温暖及松软，一边涂上茄汁，另一边涂上沙律酱，加上半溶化既芝士，虽无讲究既酸青瓜、蕃茄都非常醒胃。至于牛肉就薄薄一层，食味同质感都平平，相比红磡好出名港式汉堡包店，质量有一段距离。另外，我好钟意丹麦饼店所用既纸袋，一来好怀旧，二来比较环保！