影片
更多
2020-11-01
1269 浏览
❀ CHAAT #尖沙咀 ❀❗️一位难求 五星级瑰丽酒店内嘅高质印度菜❗️——————————————————相信唔少香港人对瑰丽酒店一啲都唔陌生，玫瑰金嘅装修高贵典雅，完全系艺术品🧡内里嘅餐厅亦一位难求。今次介绍嘅系内里嘅印度餐厅，预早两个月先book到🤯餐厅系由来自英国嘅印度籍星级主厨Manav Tuli主理，将富有印度色彩嘅香料味道以新派华丽嘅方式呈现出嚟。
.位于瑰丽酒店5楼，系餐厅嘅集中地，感觉有少少似food court，几间餐厅各占一部份，包括西班牙餐厅bayfare social 、牛扒餐厅henry，但有各自嘅装修风格。今次夜晚嚟到Chaat，墙上的壁画有啲埃及嘅风格，餐厅高级带点神秘诡秘嘅感觉😻。.服务方面，以五星级餐厅来讲又冇我想像中咁细致。反而系有种casual随性舒适嘅感觉。印籍侍应会睇实数枱客人，为客人介绍及推荐餐牌嘅食物💓。.✷𝑀𝑒𝓃𝓊✷☞ Free snacks🥠坐低先会送上佢哋特制嘅脆片，印度香料味十足！配上极度酸甜香辣嘅Chili lime yogurt chutney，为味蕾带来强烈嘅冲击！.☞ Raj Kachori $108必食之选😆亦系我全晚嘅最
❗️一位难求 五星级瑰丽酒店内嘅高质印度菜❗️
——————————————————
相信唔少香港人对瑰丽酒店一啲都唔陌生，玫瑰金嘅装修高贵典雅，完全系艺术品🧡内里嘅餐厅亦一位难求。今次介绍嘅系内里嘅印度餐厅，预早两个月先book到🤯餐厅系由来自英国嘅印度籍星级主厨Manav Tuli主理，将富有印度色彩嘅香料味道以新派华丽嘅方式呈现出嚟。 .
位于瑰丽酒店5楼，系餐厅嘅集中地，感觉有少少似food court，几间餐厅各占一部份，包括西班牙餐厅bayfare social 、牛扒餐厅henry，但有各自嘅装修风格。今次夜晚嚟到Chaat，墙上的壁画有啲埃及嘅风格，餐厅高级带点神秘诡秘嘅感觉😻。
.
服务方面，以五星级餐厅来讲又冇我想像中咁细致。反而系有种casual随性舒适嘅感觉。印籍侍应会睇实数枱客人，为客人介绍及推荐餐牌嘅食物💓。
.
✷𝑀𝑒𝓃𝓊✷
☞ Free snacks🥠
坐低先会送上佢哋特制嘅脆片，印度香料味十足！
配上极度酸甜香辣嘅Chili lime yogurt chutney，为味蕾带来强烈嘅冲击！
Free snacks
234 浏览
0 赞好
0 留言
.
☞ Raj Kachori $108
必食之选😆亦系我全晚嘅最爱。
圆形嘅炸脆饼包住crispy lentils，配上三种传统嘅印度酱汁、石榴粒、同埋罗望子。
咸甜酸辣脆集于一身，味道复杂得来非常之夹。
而且炸脆饼同crispy lentils嘅厚薄唔同，令到成件事口感非常丰富！难怪系镇店之宝。
味道: 4.8/5 性价比: 4.5/5
Raj Kachori
$108
365 浏览
3 赞好
0 留言
Raj Kachori
$108
223 浏览
0 赞好
0 留言
.
☞ Baked Lamb Samosa $138
另一样十分惊艳嘅菜式😍！
将印度家传户晓嘅传统小食包装成新嘅甜筒样，将硬脆嘅炸皮换上成超薄、劲香脆嘅春卷嘅炸皮！
内里嘅羊肉羊肉薯仔馅料香料膻味十足！
本来味道较为咸，但配埋酸忌廉一齐食，刚刚好，大力推荐！
味道: 味道: 4.8/5 性价比: 4.5/5
Baked Lamb Samosa
$138
178 浏览
0 赞好
0 留言
.
☞ Chicken Dum Biryani $248
另一款几乎每台都嗌嘅印度炒饭🍚。
卖相非常特别，用酥皮包住印度炒饭，侍应会先原个呈上，然后会再系你面前界开。
用上幼长粒粒分明嘅aged Basmati rice，配上chicken masala。
不过味道就唔算太特别，鸡肉亦唔特别香，表面嘅酥皮亦偏硬🤓。
不过好在店员强烈推荐我哋一定要嗌埋Beetroot Raita $58同埋个饭一齐食，当时令到个味道丰富咗好多，酸酸甜甜嘅酱汁同本身嘅香料味好配，成个饭亦更湿润咗好多。
味道: 3.8/5 性价比: 3.6/5
Chicken Dum Biryani
$248
261 浏览
0 赞好
0 留言
Chicken Dum Biryani
$248
147 浏览
0 赞好
0 留言
Chicken Dum Biryani
$248
236 浏览
0 赞好
0 留言
.
☞ Black Pepper Chicken Tikka $168
店员推介嘅菜式！
四大嚿黑椒鸡件，表面再加咗少少甜甜地嘅调味同埋蒜蓉，即使本身冇任何酱汁好香，鸡肉亦都好滑🤘🏻。
想味道丰富啲可以点埋配上嘅红菜头酱，冇红菜头嘅青草味，反而酸酸甜甜似红莓咁，再丰富左鸡肉嘅味道！
整体味道的确唔错，不过就冇前菜咁特别。
味道: 4.2/5 性价比: 3.8/5
.
☞ Bone Marrow Kulcha $98
Bone marrow同我食开嘅唔同，平时多数系一大条牛骨切开，内里滑潺潺。
但呢一个口感反而似咸牛肉，用上薄饼包住，未有想像中咁独特🙈。
味道: 3.9/5 性价比: 3.6/5
Bone Marrow Kulcha
$98
315 浏览
0 赞好
0 留言
.
☞ Nimbu lemon Tart $80
好有惊喜嘅柠檬挞🥧！
虽然唔系印度甜品，但柠檬嘅酸甜度调配得好好。
而且质感介乎吉士同布甸之间，入口即溶！
最正系表面居然有层焦糖脆皮😍！
配埋清新嘅青柠sorbet，即使已经食到咁饱都轻松清晒呢个甜品！
而且sorbet口感真系好好，做到既清爽，但又冇一粒粒冰嘅感觉，非常出色。
美中不足系挞皮唔够香脆，亦欠缺牛油香，同硬实嘅饼干差唔多。
味道: 4.4/5 性价比: 4/5
Nimbu lemon Tart
$80
155 浏览
0 赞好
0 留言
.
☞ Mango Lassie $80
芒果味真系好鲜甜香浓，入口微稠、非常顺滑。
不过呢个价钱来讲就贵，感觉同雀巢芒果乳酪差唔多🙈。
味道: 4/5 性价比: 2.8/5
.
整体来讲，呢度嘅印度菜式真系好独特，将传统以新派吸睛嘅方式呈现出，值得一试😋味道方面，个人应为前菜、甜品比主菜出色，整体而言系唔错嘅体验🤘🏻但始终系喺五星级嘅酒店内，所以价钱都系偏贵，觉得如果想食正宗好味嘅印度菜的确系有平啲嘅选择，不过呢度就胜在够新奇独特。
张贴
