金東大小廚 (已改名) 查看

之前食过晚饭唔错，谂住未食午饭就行入去试下下午茶。无乜人，任坐。个下午茶餐牌，同早餐基本上一样，一款点心/配一碗粥，或者配个蒸饭。再唔系就两款烧味配粉面。好啦，得一个大叔侍应，好快手就黎落单。 望住隔离枱叫粥既都五分钟内有野食， 心谂可能我叫点心配蒸饭耐啲呢！点知坐左十五分钟，隔离枱都食完抹咀，我就仲吹紧冷气。咁啱有几个人入黎食下午茶，叫点心配粥，殊不知点心阿姐已经好快回应，大叫无糯米鸡，无春卷，肠粉未热，无蒸饺，要其他点心或者萝卜糕好无！哗，呢啲仲唔系劲过厨师发板，使乜睇餐牌呀！－听到，心知不妙，应该漏左我张单，仲可能已经乜都无， 我要几经大声叫阿姐大叔先有人应我点解廿分钟都无野到。大叔就话阿姐无睇单！😑好喇， 大叔就捧左一份粉果同蒸鸡饭黎。循例我就紧系发下脾气话等左咁耐其他枱都走哂啦，阿叔道行高呀，一句唔好意思都无就行左去。食物质素其实真系麻麻， 唔好食又唔太难食，油多。 粉果内花生多，三个粉果，21粒花生（可能因为我唔钟意食花生）🙄其实呢个价钱食呢个货色都算唔贵（$40）不过啲服务认真唔得。个个都时运高唔关我事咁款。