太元樓

营业中

休息中

俾人放飞机，唯有自己一个人独食晚餐。系中式餐厅最难就系一个人食晚饭，因为每个𩠌都预咗两至三个人食，如果一个人，就好多时都净系食到一个𩠌， 加个饭或者面。但系呢间餐厅就非常之周到，汤可以拣一人份，鱼又可以拣一小条，跟住叫多个菜，就搞掂一餐晚饭啦。撞啱今次嚟呢度做紧特价$28只乳鸽，咁抵冇理由唔试姐，于是又食埋乳鸽。最后就有三𩠌一汤啦，非常之丰富嘅晚餐。所有𩠌都非常之啱我胃口啊，连小食都超好食。花生同青瓜浸落啲醋入边，非常开胃!酸辣汤($38) -够晒酸，又唔会好辣，超足料椒盐小黄鱼 ($48)-话就话系小黄鱼，嚟到原来都几大条呀，有我一只手掌咁长。条鱼煎得非常之脆，啲皮好似炸鱼皮咁，非常香口上汤小棠菜 ($68)-清清地嘅菜，有埋瑶柱，够健康。乳鸽($28)- 啲肉够晒嫩滑，冇烧过龙呢度装修几特别，有少少艺术家风格，好多摆设。