香港仔周記點心茶餐廳 (已結業)

想揾人地个孙阿食晏，点知比人带咗去街，唯有一个人去。上次试咗上环店，之前又试咗香港仔总店都觉得好食，今日就试埋天后店。系上环店提议佢地红豆冰要用粗饮管，今日去天后店真系转咗，果然系听客人意见，仲会改。赞！今日叫咗周记虾饺，海鲜脆肠粉同鸳鸯红豆冰，外卖就叫咗茄子塔，小龙饱同炒肠粉。虾饺爽口，虾够大及鲜。海鲜肠粉，先有肠粉皮包住脆网皮，而馅料系虾肉同芹菜，虽然芹菜唔多，但对住唔钟意食唐芹既我就觉得好大味。鸳鸯红豆冰虽然冇得小甜，但系小冰既情况都唔甜，正！外卖茄子塔因为见对面个碟卖相好靓，拎到返屋企都冇散，而且比个d煎酿三宝既酿茄子咁油，好！小龙饱，比较清啖(可能会有人觉得咁叫冇味), 对于钟意食清d既我觉得ok的。炒肠粉够香，而且用新鲜肠粉做，仲够大碟可够女士一餐。