老夫子餐館 (已結業)

呢晚放工自己一支公走左去太子买野，顺便食埋晚饭，远处望得大大个老夫子公仔，原来呢度开左间“老夫子餐馆”，好怀念~装潢全部老夫子漫画，就连餐牌内的菜名都用左漫画的4字成语标题，好有特色。今晚决定食返餐好既，决定点出神入化 (铁板牛柳)，份量十足，足够2个人食，厚厚的牛柳煮到七成熟，口感带鲜嫩嚼劲，淋埋个黑椒汁味道更香浓，伴菜仲有西兰花、红萝卜、薯仔，我一个人食真系超级饱。胆大包天（忌廉沟鲜奶），好耐冇饮过啦，上面竟然用左绵花糖，多左分甜味，几有创意。