太平洋咖啡 (鷹君中心)

营业中

休息中

因为男朋友仔未放工既关系，今日放工之后，我一个人黎左PCC饮杯野食个优闲晚餐。3心2意既我睇左好耐都唔知食咩好，呢度既waiter好好人，见我谂得咁辛苦就黎问下我想要啲咩类型既野。有佢既帮助下，我叫左Tuna with Melted Cheese Panini同埋我一向饮开既Cafe Mocha。因为冇乜人既关系，我揾到个梳化位坐低，慢慢品尝我既优闲晚餐，好怀念好怀念以前系外国既生活，一份3文治，1杯咖啡加1个好舒服既环境。试下个3文治，我叫佢地帮忙整热左，芝士溶出黎，睇落已经觉得好味！即刻试下，溶左既芝士黏住份3文治，里面包含住吞拿鱼肉同洋葱丝，好香，好rich，但比爽脆清新既洋葱中和返个种太"漏"既感觉。我食左1半就已经饱左，要将净低既打包比男朋友执手尾。等男朋友黎接我走既呢段时间，叹埋杯咖啡，清清静静咁坐下。投身社会之后一直忙碌为著生活，难得有个咁好既环境同时间，好好享受下呢种优闲。