拉麵達人 (已結業)

有事要到佐敦， 搞到两点几， 个肚打晒鼓， 喺裕华后两条街 ，见到一间充满日本风拉面 小店， 就独自入去 。一个人，就坐喺吧位度啦 。店舖不大，但唔觉逼，用木装修 ，仲有好多日本小摆设，小玩具，自己一个人喺度食嘢都唔会怕闷，慢慢欣赏，幻想一下身在日本叫咗个达人拉面 (浓厚豚骨汤)， 先试下个汤， 味道好浓郁， 饮得出系用猪骨熬咗好耐果只。最抢眼只半熟溏心蛋 ，晶莹剔透 。叉烧切得薄薄， 肥瘦适中， 好软淋淋，最怕食到好硬啲叉烧。见到餐牌有小食， 叫咗一个一口紫芋丸，圆碌碌，胀卜卜，炸得好香脆， 里面系番薯同芋头蓉，好绵。吃得饱饱，一个人浪漫旅程结束了