拉麵達人 (已結業)

在半年前，我好高興又幸運地，第一次在大眾點評抽霸王餐便抽到嘞！ 還相約大眾點評認識的香港女食友一齊去位於佐敦吳松街的 <拉麵達人>！這裡地方不大，卻是每處擺設也花心思！恰巧當日店子廚房維修，因此小食暫停！ 同時，店員亦提醒食客烹調要等上 15~20分鐘！餐牌另外，由於我們享用霸王餐的關係，不能以優惠價 $29~$39 點飯食！只可以原價！元祖達人拉麵 $79有3款湯底可選擇，包括：濃厚豬骨湯、黑蒜豬骨湯、北海道味噌湯我選了黑蒜豬骨湯底，她則選了濃厚豬骨湯底！口感爽滑彈牙！熱辣辣又掛湯！ 令我食得滋味呢！薄切叉燒肉質超鬆化，一夾起就散了！柚子梳打 $20清爽解渴，恰到好處！]多謝店子！

機緣巧合下，發掘到這家很有自己特色的店舖。舖內與舖外的感覺很連貫，門口帶有日本古店風味，舖內用了大量有趣精緻的舊日本時代孩童玩具、擺設作為裝飾，配以深木色檯櫈、暗暗的燈光，營造出一種令人如置身舊日本街頭食店的感覺。有趣 !元祖逹人拉麵 $79本身有三款湯底可選 (黑蒜豬骨湯  / 濃厚豬骨湯 / 北海道味噌湯 )，我選了最愛的黑蒜豬骨湯。拉麵約8、9分鐘後送上，香噴噴，令人期侍，配料有半只糖心蛋、兩片叉燒、黑木耳絲、筍絲及大量的青蔥。叉燒很嫩滑，肥瘦比例適中；糖心蛋做得不錯，蛋黃呈半流質狀，入口黏糯；拉麵選用了略幼身麵條，掛湯力不俗，盡吸湯中精華；湯底有濃濃的豬骨味，稍稍蓋過黑蒜味，若果再加多少少黑蒜油的比重便更好。

這家拉麵感覺十分隱世，但又增添點神秘感，通常好食的拉麵都是這樣的設計。這裏有不同的拉麵選擇，價錢的分別就在於食物配料，不會因湯底不同而要另外收錢。我就選了最便宜的元祖達人，湯底有三款當中選了黑蒜豬骨湯，通常轉黑蒜湯底在外面要加錢的！賣相已經令人垂涎三尺，原來份量也不少呢。有很濃郁的黑蒜味，湯底夠熱，而且口感帶點富有骨膠原的厚度，不會太膩又帶幾分清甜。食到最後見到碗底有感謝兩隻字。當日去到人不多，應該是近期一連串事件的緣故吧。希望店主可以堅持落去！

拉麵達人原來在我平時坐巴士的巴士站附近店面不大，一不留神可能就會錯過了元袓拉麵達人-有3種湯底可以選，今次選了黑蒜豚骨湯，配料豐富湯底濃郁，質素不錯雞軟骨餃子-食拉麵一定要配餃子，雞軟骨餡料讓餃子多了點咬口，餃子皮也煎得香脆雖然店裡只有一位店員，下單上菜結帳也是一人負責但服務也殷勤要讚讚他

今日1:45來到拉麵達人，全場滿座，幸好很快就有位了。環觀四周，感覺就像日本小街的低調小店，努力地實現「「一碗入魂」」。「元祖达人拉面」配濃厚豬骨湯，約10分鐘送上，配料很多，有溏心蛋，兩塊叉燒，木耳絲，筍絲，大量青蔥。麵是幼麵，好處是更加掛湯，但咬感沒有粗麵好。湯頭很濃，吃後沒怎麼口渴。最精彩的是叉燒，很嫩，肥瘦比例合理，入口即化，而且有兩片，以這個價錢，性價比高。支付寶、微信支付暫時不可用，但普通話友善的。

今天喺中午繁忙時間過後先去食，因此店內人流較低，只有一枱客人用膳中😅。店舖裝修都好有日式風格，而且有好多大大小小嘅日式擺設。座位唔算太多，無認真咁數，大約20個以內。主要係四人座同一排單人座。元祖達人拉麵有三款湯底：豬骨濃湯、黑蒜豬骨同北海道味噌湯。我點選了北海道味噌湯底，味噌味濃郁，湯都可以掛上麵條。附上嘅日式叉燒很滑。每次吃拉麵最期待碗底印咗啲咩嘢。飲哂所有湯後，終於睇到碗底喇，原來拉麵達人嘅碗底，印咗「感謝」嘅語句。

多謝點評，讓我有機會去吃免費拉麵~站在門口看進去，店舖的裝修超有日本風味，而牆上還掛滿很多小時候會玩的玩具，令人不禁看了又看，想找回童年時的回憶~拉麵很快便送到上桌了，濃濃的豬骨湯底，熬出有一點點杰身，超濃味，一看便已知道很用心，又長時間的熬煮才能煮到這濃稠感🤔而拉麵每根麵也很長，條條分明，入口爽彈，拉麵中的極品~而糖心蛋也很好吃，很美味~而樓面也很有禮貌，雖則已只道我是中獎者來吃，但還是很有禮貌~

自第一次約朋友聚會試過，短期內已去了三次，第一次寫食評..........試過最好味的拉麵，無論叉燒，糖心蛋，湯底及配料味道也令人回味，餐廳的色細間也精心佈置，環境清潔衛生，令人感受到老闆的經營用心及細心！實惠的價錢.

尋晚本來想去旺角食日式放題，點知出左門後先收到popo話想喺旺角請食催淚彈放題。😖我見佢咁熱情好客，實在唔好意思領情，就去遠少少嚟左佐敦，不過原來有啲黨鐵出口都封左，部分食店都早收左，唯一比較熱鬧係廟街遊客區。上openrice 見有間有二百幾個好評嘅拉麵店，竟然會拍烏蠅一個人都冇，咁我就膽粗粗入咗去食。店內環境幾特別，雖然細細間，但牆上掛上好多懷舊玩具，所謂麻雀雖小但五臟俱全。叫左個黑蒜豚肉，我幾鐘意佢嘅麵同蟹柳，湯底又好濃味。😋

喺佐敦返工，由於要睇鋪，所以比較難去搵一間好食嘅又肯幫手預先整好俾我外賣自取嘅餐廳。咁啱見到原黎附近有間評價唔錯嘅拉面店，一於去試下!由於本人好中意食肉，所以叫左碗特盛叉燒拉面再加蛋，外賣帶走，盛惠HKD$115價錢中上可以接受，最緊要係quality!等左10分鐘已經可以拎，拿拿林跑返鋪頭開餐!可惜一返到去有客，又要等多10分鐘先開餐，本身都心知不妙，隔左咁多可能D面都縮晒店家好細心咁將湯同面分開包裝，打開個湯仲暖嘅。飲左一啖湯，jesus! 湯唔油，豬骨味重又唔咸。面可能因為中間等待時間長所以變得有小小乾身同小小硬，將湯倒落去面度，再食一塊叉燒，jesus!其實我好憎食到肥肉但對呢個叉燒完全唔抗拒!入.口.即.溶啲肥膏就連我叫港式叉燒都一定要坎肥嘅人都接受到!太激動喇我!我諗我真係會飲晒啲湯，希望佢地可以永遠都keep住呢個水準!順帶一提，大家唔洗因為價錢唔太平民而唔去食叉燒。因為佢地有下午茶餐 15:00-18:00 HKD$50 食到叉燒面加汽水~我應該會叫佢地外賣一段長時間~哈哈!打擾晒~

其實我係依家小店既常客，好多時午餐or下午茶都会黎依度食因為覺得啲野幾好食同依度既裝修我都好鐘意，好有日本小店既感覺今日嗌左黑蒜達人拉面依個拉面係我最鐘意，黑蒜油夠香，湯底濃度適中，叉燒都幾好，糖心蛋又係正野今日同朋友黎食嗌多左两個小食，炸八爪魚丸同芝麻雞亦不過都係覺得拉面做得出色啲依度仲有一樣野係幾吸引到我成日黎幫襯，就係依個自製蒜蓉神器依個真係唔係度度有，好多拉面店都無，食拉面加反啲新鮮蒜蓉，真係成碗野加哂分

-舒服的環境💛回郷的感覺(OvO)超大份量的拉麵～十分足料，吃不完🙈全隻溏心蛋，不欺場！還有很貼心的店員😳就這樣吃了一個多小時xd這𥚃好美喔😍超多童年回憶～～～

好耐無食拉麵啦~~起OPENRICE見拉面達人評價唔錯! 就黎幫襯下。我自己就叫左碗”黑蒜達人”湯底係係濃濃豬骨湯加黑蒜油。勁香黑蒜味。面底彈牙有口感。配菜有木耳絲粟米香蔥等。日式叉燒味道正常, 油脂比例剛好。糖心蛋好正，重要係一隻而唔係半隻蛋。橙橙黃黃的蛋黃好又少少黏牙~呢款糖心蛋最正!朋友就叫左”拉麵達人”, 原味的豚骨湯。大至上兩碗麵差唔多，只是湯底有冇加黑蒜既分別!最特別係檯面有原粒蒜頭比客人自製新鮮生蒜! 另外重有個MENU 係拉麵套餐 加$29-$38 有丼飯。好吸引，好想叫，但食完碗已經好飽~

平時成日覺得拉麵好唔抵食！自己係屋企都煮到！但同事成日介紹呢間拉麵店，話係食到日本質素嘅拉麵，講到有日本質素呢個level，梗係要仆去試試佢！🥰拉麵有蛋、叉燒、紫菜同埋荀！一食就梗係試下隻流心蛋先，隻蛋真係好好食，煮得剛剛好，流心又入味，下次一定會加多隻蛋先夠喉！🤪而湯底真係好濃郁，但又唔會太咸，所以食得出落左好多功夫，先會有呢個水準！☺️叉燒都好淋身，唔會乾，油脂分佈都好平均，一食就溶落口咁！大家真係要黎試試佢！😆

拉麵達人佐敦擁有重要地位既拉麵店，以前係附近讀書，都曾經黎過幾次~今次難得行過就想懷念一下，決定中午去食返一次 餐牌同以前無咩分別~多左幾款新式拉麵要食要試梗係當然試返本店招牌拉麵~達人拉麵啦等拉麵送黎期間，望下D店入面擺設，好有日本既風味，有好多舊時日本玩具同海報，可以放下手機，慢慢欣賞一下《一碗入魂》呢個招牌，應該代表左當年廚師為每碗拉麵付出多番心血店入面擺設好好，但拉麵送到黎果下，發覺 同我以前有d出入拎起個匙飲返啖湯先飲落去湯底唔算濃，偏淡，覺得同以前有分別，現在比我想像似普通日本食舖堂既拉麵湯底半熟蛋都保持到一定水準，叉燒偏瘦，岩哂唔想食肥既朋友~最後我只能講比幾年前相差好遠，可能中午食關係，沒有主廚主理等等因素~印象較差，不過幾個月後我會搵日夜晚再去試一下，希望水準再有改善