影片
更多
2019-07-17
150 浏览
早前睇过某平台介绍深水埗有间烧味餐厅做紧烧味放题，个卖点仲系有乳猪任食添一直都好想揾朋友一齐去试试，但大家都咁忙一直都约唔到收工之时个肚又开始击鼓，唔知点解又突然间好想食乳猪上网揾下餐厅就俾我揾到千乐烧味啦不过烧味餐厅都未必一定有乳猪食，因为呢类贵价食材好大可能唔做碟头饭咁散卖出去嘅好彩系Openrice有餐牌提供，系餐牌上面见到佢哋有乳猪饭提供！唔洗再谂，即刻执齐嘢收工去食乳猪饭先！餐厅环境都算几好，冷气够，座位都算舒适企理，唔会好似其他烧味餐厅咁座位痴笠笠我就叫咗个$83一人套餐，有一份乳猪油鸡双拼、蒜泥拍青瓜、白饭、例汤同一杯饮品呢个价钱坚系抵！有哂前菜主食仲有汤同饮品坐系度玩一阵手机啲嘢食就到齐啦~急不及待立即起筷✨蒜泥拍青瓜 - 青瓜系切咗丁粒，大小啱啱好，太细粒会无口感，太大粒又会好难咬。蒜泥有经过调味，份量亦落得够多，系一款好重口味嘅前菜✨例汤 - 是日例汤系合掌瓜煲猪展。正如楼面姐姐所讲，啲例汤无落味精，系真材实料煲出黎，饮完唔会口渴！✨乳猪油鸡双拼 - 乳猪居然俾七件！我其实预计得四至五件架咋...真系估唔到！乳猪皮烧得香脆，咬落咔咔声，唔会冻哂同死实实肉质松软，肥瘦
一直都好想揾朋友一齐去试试，但大家都咁忙一直都约唔到
收工之时个肚又开始击鼓，唔知点解又突然间好想食乳猪
上网揾下餐厅就俾我揾到千乐烧味啦
不过烧味餐厅都未必一定有乳猪食，因为呢类贵价食材好大可能唔做碟头饭咁散卖出去嘅
好彩系Openrice有餐牌提供，系餐牌上面见到佢哋有乳猪饭提供！
唔洗再谂，即刻执齐嘢收工去食乳猪饭先！
餐厅环境都算几好，冷气够，座位都算舒适企理，唔会好似其他烧味餐厅咁座位痴笠笠
我就叫咗个$83一人套餐，有一份乳猪油鸡双拼、蒜泥拍青瓜、白饭、例汤同一杯饮品
呢个价钱坚系抵！有哂前菜主食仲有汤同饮品
坐系度玩一阵手机啲嘢食就到齐啦~急不及待立即起筷
✨蒜泥拍青瓜 - 青瓜系切咗丁粒，大小啱啱好，太细粒会无口感，太大粒又会好难咬。蒜泥有经过调味，份量亦落得够多，系一款好重口味嘅前菜
✨例汤 - 是日例汤系合掌瓜煲猪展。正如楼面姐姐所讲，啲例汤无落味精，系真材实料煲出黎，饮完唔会口渴！
✨乳猪油鸡双拼 - 乳猪居然俾七件！我其实预计得四至五件架咋...真系估唔到！乳猪皮烧得香脆，咬落咔咔声，唔会冻哂同死实实肉质松软，肥瘦相间得恰到好处，入口甘香丰富。点埋乳猪酱食就更加惹味！
油鸡好幸运地获得鸡脾部位。鸡皮唔会过厚，无太多连皮脂肪，鸡肉亦好嫩滑
烧味同白饭一向都系最佳拍档，话咁快就清哂成碗饭
估唔到呢个价钱可以食到份量咁足，质素又高嘅乳猪饭，下次再嚟要叫净乳猪饭好好满足下个胃先
张贴
