影片
更多
2023-06-12
94 浏览
返咗半日工觉得好攰，于是放咗半日假去旺角睇场戏抖抖气，五点零钟睇完戏又唔想返屋企，系OpenRice揾咗间附近嘅餐厅食嘢，一条友其实好爽，谂到乜就做乜。餐厅唔大，但环境好别致，装修连天花板都有考虑到，喜欢餐厅嘅布置，好有心思。偷听到隔离枱嘅人各自教有嚟过呢度食嘢，看似大家都一食爱上，包括我都系，下面会讲返我食咗啲乜同点解爱上。我食完离开嘅时候系七点左右，餐厅满座变得更有气氛。拣咗个一眼关七嘅窗边位，可以由上而下睇到旺角嘅景观，原来旺角不知不觉间变咗有点岁月嘅痕迹啦。Set manual好抵食，依家先留意到餐牌无写要加一服务费，埋单果阵无留意有无加一添，老实讲两位职员都好好礼貌同招呼周到，有加一服务费都系抵俾嘅。是日餐汤-海鲜忌廉汤喜欢海鲜忌廉汤有淡淡嘅鲜甜味道，唔「杰」身感觉更清爽，蒜蓉包焗得香脆，同海鲜忌廉汤好夹。火魔蚬大大只蚬份量十足，上枱后职员会加啲酒点火，效果震撼，卖相都好吸引，火灸后香味更突出。蚬肉肥美，香料丰富，食嘅时候有浓浓嘅蒜头同香草味，有轻微嘅辣味同酒味令到蚬肉更鲜甜。西班牙杜洛克猪肉眼猪肉眼可选择全熟或者8-9成熟煮法，职员介绍8-9成熟会更嫩滑所以我拣咗8-9成熟
餐厅唔大，但环境好别致，装修连天花板都有考虑到，喜欢餐厅嘅布置，好有心思。
偷听到隔离枱嘅人各自教有嚟过呢度食嘢，看似大家都一食爱上，包括我都系，下面会讲返我食咗啲乜同点解爱上。我食完离开嘅时候系七点左右，餐厅满座变得更有气氛。
拣咗个一眼关七嘅窗边位，可以由上而下睇到旺角嘅景观，原来旺角不知不觉间变咗有点岁月嘅痕迹啦。
Set manual好抵食，依家先留意到餐牌无写要加一服务费，埋单果阵无留意有无加一添，老实讲两位职员都好好礼貌同招呼周到，有加一服务费都系抵俾嘅。
是日餐汤-海鲜忌廉汤
喜欢海鲜忌廉汤有淡淡嘅鲜甜味道，唔「杰」身感觉更清爽，蒜蓉包焗得香脆，同海鲜忌廉汤好夹。
火魔蚬
大大只蚬份量十足，上枱后职员会加啲酒点火，效果震撼，卖相都好吸引，火灸后香味更突出。
蚬肉肥美，香料丰富，食嘅时候有浓浓嘅蒜头同香草味，有轻微嘅辣味同酒味令到蚬肉更鲜甜。
西班牙杜洛克猪肉眼
猪肉眼可选择全熟或者8-9成熟煮法，职员介绍8-9成熟会更嫩滑所以我拣咗8-9成熟。摆盘好靓，有唔同嘅颜色点缀大大块嘅猪肉眼，令人食指大动。
肉眼表面煮得香脆，横切面可以睇到块肉眼扒嘅肥美，内面肉质juicy嫩滑。入口嘅味道比期望更好，表面香脆入口即溶味道浓郁，喜欢重油脂味嘅朋友一定中意。另外，南瓜酱同蕃茄仔可起到中和肥腻嘅作用，有惊喜
肉眼扒底下仲有薯蓉同蘑菇酱，薯蓉食得出一粒粒嘅薯仔，明显系用薯仔煮成而唔系开粉沟出嚟嘅，薯蓉加咗少少粟米增加咗甜味同层次，同蘑菇酱一齐食更加好食，蘑菇酱有好浓嘅蘑菇味，就咁食都好正，食得出厨师嘅心思。
餐饮可以拣Corona，只系加28蚊咋
张贴
