稻成 (新城市廣場一期)

营业中

休息中

原本谂住嚟食馄饨（云吞）鸡，见到个大闸蟹套餐好似好吸引，仲话六折，今年未食过，我哋两个人，但系又怕一人一份会食唔晒，最后问咗餐厅经理，佢话可以叫一个餐再加啲散叫嘅嘢。👍🏼👍🏼👍🏼本来就系想嚟食馄饨鸡，当然系好开心啦，虽然真系细碗咗啲，但味道依然咁正。😋见到上菜单上面有几样嘢写住「*等叫起」，初初唔系好明点解，后来只蟹上咗就明晒啦，因为食𠮶只蟹真系需要啲时间，要用工具慢慢撩啲肉出嚟食。😂食完只蟹，叫餐厅职员上其他嘢食，先嚟鲜拆蟹粉拌面，由于系一人份量，当然系细细碗啦，我会用「浓同厚」嚟形容，蟹肉蟹黄酱质感厚，味道浓，我个人觉得唔错😋，不过可能有啲人会觉得少少腥。紫淮山素小炒，鲜淮山我有试过，但系紫色嘅都系第一次见，今次呢碟虽然份量唔多，但系味道清清地，啱啱好中和番浓味嘅蟹黄。一人餐只跟一只蟹粉小笼包（挂住食唔记得咗影相😂），下面呢笼系食完觉得都几好食，所以另外散叫多三只，每只$28。套餐冇包锅贴，都系另外叫嘅，okay好食，个底煎得香脆，不过入面啲肉唔够多汁，我钟意食juicy啲嘅。