宴 尖沙咀

营业中

休息中

前几日，屋企人都出咗去旅行，我因为要返工而唔可以跟，剩我一个喺屋企。谂住晚餐约几个朋友一齐食火锅，结果各个都话要陪女朋友。一气之下，自己跑去呢间日本餐厅食。不得唔讲呢间日本餐厅嘅装修好精美，走日本风，感觉好似去咗日本食嘢咁。我点咗佢哋嘅松餐放题，系一个火锅嘅，𠮶阵时点咗酱油汤拼猪骨汤。两种汤底感觉都好好食，好香。呢度所有食物都系任食嘅。第一份就直接嚟咗一盘和牛。肉质好干净，睇落好新鲜。放落去煮咗之后，肉香扑鼻，食欲即刻上嚟。呢个牛肉非常软嫩，口感好好，配埋𠮶啲汤，鲜嫩多汁，好美味。后尾仲上咗松叶蟹，放落汤里面滚咗之后，汤底变得更加甜。呢个蟹肉非常鲜甜，𠮶个软嫩嘅口感亦都非常棒。真系太好食，我一个人直接食咗几盘。最后仲有一盘三样料嘅刺身拼盘。摆得好靓，食材亦都好新鲜。我仲攞啲放落汤里面滚，都系好好食。后尾嘅汤底亦都越变越浓郁，好好饮。虽然系一个人食，但系喺呢个环境食咁好食嘅嘢，亦都非常享受。