2派克雞排

营业中

休息中

挣扎紧拣鸡排定鸡腿排，最后拣咗后者。派值套餐 #2 脆皮鸡腿排套餐（$62）套餐有无骨鸡腿排、薯条、饮品。调味粉可选：原味（椒盐）、香辣、海苔、梅子、芝士、咖哩、麻辣、芥末，而且可拣两款，鸡腿排选了原味，薯条选了芝士+麻辣（少辣）。因为即叫即炸，而且都有几组客人在前，结果等咗差唔多廿分钟。无骨鸡腿排大大块，拎上手隔住纸袋都少少热。外层炸粉系可接受嘅厚度，咬落超脆口，但不是松化的那款脆，而是偏向实身的（有少少似英式炸鱼，沟咗啲啤酒落炸浆𠮶种口感，但再实多丁丁），唔算太过油淋淋；里面鸡腿排仍然软嫩，仲有些少肉汁，但鸡肉偏向薄，欠缺口感；原味（椒盐）调味恰到好处，唔会太过咸。整体而言，是好食的，但好似本地嘅「生炸鸡脾」吸引啲，因为感觉六成食炸粉四成食鸡排。薯条都系即炸，粗身，唔算脆，芝士麻辣味粉几香，但只洒咗系面，唔够多，食到底就无咩味了。结论：可以去试吓，但唔好抱太大期望。