Wagyumafia

营业中

休息中

Item: Wagyumafia
Rating: 4
Author: tomoya711

4.5

46 食记

味道

环境

服务

卫生

抵食

20165

湾仔

$801以上

日本菜

tomoya711

等级3

和牛黑手党晌日本卖牛肉卖到出埋食店，之后仲走出埋日本，你话佢把唔把炮呢？把炮地方系佢晌日本只系招呼会员，都做到供不应求，而且会员缴交费用一D都唔低，现时最新会员入会费是$2000（终身制），福利有d咩？首先可以食佢地会员menu（佢系有16道菜比普通多5道），再可以去佢另一间姐妹店食会员制烧肉，还有有机会抽奖去参观佢地位于神户及宫崎的牧场。

环境方面几神秘几有格调，晌一间沾面的雪柜入口进入食店几咁神奇呢。表面佢系卖沾面实则佢系卖烧肉😈。灯光该暗的地方暗，该光的地方光。音乐较为嘈吵，可能会听唔到旁边的同行人说话。吧台椅子较位高。

个人觉得成间食店几型几有新鲜感，员工亦几有热诚，唔怕尴尬积极表现，气氛非常良好，个人觉得有佢地表演能令食物加分。

食物味道就有点偏咸，但都晌可以接受范围内。最后还有敬酒及合照环节。

==============================

风干和牛干加清酒：
第一道菜系惊喜晌雪柜之间的等候，职员简单介绍并递上了熏制的肉干，块肉唔算薄，有点size，口感可能似风干火腿？🤔，但系佢就系牛味，食落有点油及少少咸，是一个合适的送酒菜，可惜和友人不喝酒就只能食肉。😂正常是提供一片肉及一杯清酒的。

青椒沙律：
口味清新，较为清淡，但食多少少亦有点回甘的青椒辣，如果觉得清淡过头枱上有自家制的辣椒🌶️仔调味料提供，三支由右到左分别是小辣、中辣、大辣，店员提议蔬菜烦用小辣会较好吃。

A5和牛煎饺：
两个和牛饺，和姐妹店的Mashi No Mashi比起来，印象中比mashi 那个大，唔知系唔系因为呢餐饭价钱引起的心理作用呢😈，其实佢好大机会同款黎😂，因为见menu额外叫是$120一份和mashi 价钱是一样的。
和牛煎饺佢材料系和牛边料的切角料制成，今次食落唔算油腻，有肉汁及肉香，饺子🥟皮皮簿，饺子煎到金黄色脆皮，食落有点层之感，肉质熟到亦刚刚好，因为如果熟太熟老了可能就会较油腻。

豉椒蒸牛肉（香港限定）：
平时晌酒楼食豉椒排骨多，牛肉真的是第一次见，豉椒究竟同佢衬唔衬好难说，但系讲真味道系唔差👅，不过豉椒汁就唔系好入味，可能是因为佢要保持肉质滑嫩，蒸焗的时间要教少，想多点味就再晌汁辘下啦，但佢个汁系有点咸。唔知会唔会迟下推出其他和牛点心呢….什么和牛山竹牛肉、和牛干蒸烧卖呢😈

岩盐生蒜配牛肉刺身：
刺身配岩盐、生蒜，肉质滑嫩有牛香味无腥味，配上点啜的岩盐及加强清新口感的生蒜片。整体良好，唯一美中不足生蒜的蒜心有点苦味，粒生蒜可能换过粒会好少少。

和牛三文治🥪：
照牌菜和牛三文治少少的1/4件就值$250，因为menu加1份4件的实收$1000😂。因为非常期待呢道菜忍唔住加左一份，结果食落去佢同自己想像的口味完全唔一样。
牛肉厚身重牛香，嫩口亦无血腥味，可能系因为选料关系，佢地选用牛柳最嫰口的位置烹调，但系较为淋身，个人想有点咬感。
面包皮唔够酥脆，较为薄身，个人想酥脆点。酱汁有少少酸味，但系除左第一啖酱汁味外好多时被牛的美味盖过了咁🤔。店员会再面包皮上加上金箔，视角爆棚。

寿喜烧和牛：
鸡蛋汁加上寿喜烧汁打成泡沫，香口绵滑加上寿喜烧汁的甜味和大葱，搭配烧烤过的和牛肉片，加入不少的黑松露。

大菇：
日本第一大菇经过简单的调味，加点盐加点汁，没有冬菇的花菇香味，没有鲜菇的草青涩味。肉身爽口弹牙。店员说佢译名叫雪….雪xxx忘记了😅。

炭烤尾崎牛：
最后的主菜，由最初入场时俺制到食大菇时，以炭火烧烤，肉身炭味口敢唔算太出，被肉的香气抢了，肉汁多肉嫰口，再配上岩盐、黑椒、山椒、wasabi，令肉味肉香升华，尤其个wasbi配和牛想唔到佢会咁夹，呢款wasabi 亦无攻鼻的感觉。店员系建议四种调味料全加到一片牛上去食。

和牛沾面：
沾面面质弹牙，汤以牛骨和鲣鱼调味，味道浓郁但佢真系好咸，汤汁里有葱葱、牛脂及牛肉粒，个沾面再加了一些黑松露丝增加香气，食完个面可叫店员再加汤到汤汁里，一起服用。

和牛脂肪提炼成的雪糕：
牛脂香味，但更多是威士忌香味，再配上杏仁及夹饼。
==============================
在YouTube 睇返一年几前的非会员menu，就咁睇以为只系蕃茄转左做大菇，但细心一看其他菜品都有改良唔少。

1）和牛三文治加左金箔
2）寿喜烧加左黑松露片
3）沾面加左黑松露刨丝

令视觉享受更丰富，这已经是一种艺术表演，这餐饭是一个良好的体验，如果音乐唔系咁大声就更好了。

我觉得自己会再帮衬😈预12月。