板神鉄板燒日本料理 (信和廣場)

香港食鉄板烧有好多，板神因为上年教主炒饭而爆红，book枱经常爆满，好多人都想黎打卡朝圣。我同一班同事都不甘示弱，一齐黎试吓有几把闭🤣我哋去左铜锣湾信和广场啲间店，系旗舰店，店舖面积超大，冇认错个位置其实系neway嘅前身。成间店装修非常有气派，区分鉄板烧、Omakase、串烧，唔同房会食唔同嘅野。我哋今次系食佢嘅鉄板烧，被安排去一间大房，空间感非常足够，可以容纳24人左右。我哋一行12人，大家都系点午市商务铁板烧套餐，当中因应唔同嘅牛有唔同嘅价位。最重要系逢星期一至五13：45后入座有八折优惠，抵食好多。商务套餐都相当丰富，系一个full course meal，有前菜沙律、刺身三款、南非鲍鱼、本日海鲜（鳕鱼）、季节野菜、炒饭、渍物、面豉汤、甜品／咖啡，而且仲会有铁板烧活龙虾(1只/2位计）。所有食材都新鲜好食，亦都够晒饱，女士都未必食得晒。牛就厚烧薄烧各有特色，建议2款都试。至于牛嘅质素，个人觉得「A5和牛」同「美国牛肉」分别不大，叫个平嘅都可以了。午市同晚市其实食嘅嘢唔系差好远，但最大嘅分别系「时间」。午市佢会一次过滚水渌脚咁不停煮，唔理你食完未，变咗你食得慢就有可能有啲食物已经