藍屋 (已結業)

喺外面睇见个装修几靓咁，望吓个午餐餐牌，原来系食港式西餐。两个人食，分别点了瑞士汁猪软骨配饭和蟹籽忌廉龙利柳配薯菜。.首先，第一个餐，瑞士汁猪软骨配饭，罗宋汤，冻柠茶。卖相唔系差，但系食落去好屋村茶记或者楼下买外卖$20一个嘅饭盒一样质素… 罗宋汤普通，唔算难饮，但系个蒜蓉包又冻，仲完全唔脆，感觉系揸啲牛油，焗完又摊左好耐嘅包。冻柠茶茶底唔苦，无涩味，可惜柠檬都完全无味，总括系饮紧净红茶。.然后，同行朋友叫嘅蟹籽忌廉龙利柳配薯菜，罗宋汤，热啡。罗宋汤同餐包上边讲咗，唔重覆。最尾个主菜，龙利柳炸粉好厚，唔知食炸皮定食鱼。薯菜原来唔系薯条，系薯角。都唔紧要，可惜薯角皮又系唔脆，面头仲要有层好有光泽嘅油，湿湿地咁，睇见都唔系好想食…热啡…唔难饮，不过一啲都唔好饮！.成餐饭完全冇心机影相，发现剩系得一张，食咗一半嘅猪软骨饭。我如果硬要讲一个好嘅地方，就系食物够大份嘅。五十几六十蚊一个餐，包咁多野。不过讲返转头，五十几蚊我去茶餐厅或者大快活食仲好。