影片
更多
2020-11-04
5535 浏览
秋风起，除咗三蛇肥之外，亦都系食大闸蟹嘅好季节！！等咗成年终于等到食大闸蟹嘅季节，真系好令人兴奋～🦀-虽然钟意食大闸蟹，但系次次都要出街拣蟹，之后返屋企再蒸，再预备姜茶姜醋等等，然后大家仲要食蟹食到成枱都系。虽然食嘅过程好开心，但系清洁嘅时候真系好头痛，所以今年我哋就决定唔系屋企食，转场至妈咪朋友推介嘅呢间酒楼到食大闸蟹放题。🥢-差唔多八点嚟到，仲要唔系星期六日，都几乎全场爆满，好彩有订枱，如果唔系真系食唔到，睇嚟香港人真系好钟意食大闸蟹。-除左大闸蟹之外，每一位顾客都必定会送一客蚝皇原只八头鲍鱼花菇、冻蟹同螺头炖汤。另外仲有以自助形式任取嘅姜汁糕、蜂巢糕、姜汁芝麻汤丸、百福豆腐花、生炒糯米饭、北京填鸭、杨枝甘露等等。有别于平时嘅点心放题，佢哋嘅大闸蟹放题选择冇平时咁多，系一个专门比你focus系疯狂食蟹嘅放题。-大闸蟹有三种口味，分别系清蒸、花雕蒸同油盐焗。目测每只大概三至四两左右，上蟹上得几快，我当日食嘅时候，基本上叫完10分钟内都会送到。蟹膏说不上澎湃，不过d膏颇为鲜甜，蟹肉都扎实，唔系𠮶种松泡泡冇咩肉食嘅蟹，放题黎讲，质素算系match my expectation，唔错😄。几
-
虽然钟意食大闸蟹，但系次次都要出街拣蟹，之后返屋企再蒸，再预备姜茶姜醋等等，然后大家仲要食蟹食到成枱都系。虽然食嘅过程好开心，但系清洁嘅时候真系好头痛，所以今年我哋就决定唔系屋企食，转场至妈咪朋友推介嘅呢间酒楼到食大闸蟹放题。🥢
-
差唔多八点嚟到，仲要唔系星期六日，都几乎全场爆满，好彩有订枱，如果唔系真系食唔到，睇嚟香港人真系好钟意食大闸蟹。
-
除左大闸蟹之外，每一位顾客都必定会送一客蚝皇原只八头鲍鱼花菇、冻蟹同螺头炖汤。另外仲有以自助形式任取嘅姜汁糕、蜂巢糕、姜汁芝麻汤丸、百福豆腐花、生炒糯米饭、北京填鸭、杨枝甘露等等。有别于平时嘅点心放题，佢哋嘅大闸蟹放题选择冇平时咁多，系一个专门比你focus系疯狂食蟹嘅放题。
-
大闸蟹有三种口味，分别系清蒸、花雕蒸同油盐焗。目测每只大概三至四两左右，上蟹上得几快，我当日食嘅时候，基本上叫完10分钟内都会送到。蟹膏说不上澎湃，不过d膏颇为鲜甜，蟹肉都扎实，唔系𠮶种松泡泡冇咩肉食嘅蟹，放题黎讲，质素算系match my expectation，唔错😄。几款口味当中个人最钟意略带咸香嘅油盐焗，🧂盐味有令蟹膏更鲜甜嘅效果
-
而除咗大闸蟹之外，回本之选仲有北京片皮鸭，🦆片皮鸭烧得皮脆肉嫩，鸭肉油香满满，要捉住个出炉嘅时间，而佢哋每一转出炉都会出好多只鸭，2小时嘅放题里面，我一共攞到三转😊，每转个啊姐都切好多，仲搭埋鸭腿比我，不得不赞一赞个个疯狂片鸭片都应该会怀疑人生嘅阿姐。
-
而生炒糯米饭同埋蜂巢糕都系我嘅心水之选，虽然唔系啲咩回本嘅食物，但糯米饭黏糯湿润，腊肠润肠味都好香，蜂巢糕就做得烟韧有弹性，两款都唔错。
张贴
