影片
更多
2018-10-19
156 浏览
晏昼去左凤悠南拎淘宝就顺便系附近揾野食。放假晏左起身，唔想食咁饱，行过见到呢间啲野几岩食同几多人，就决定试下啦。入到去话两位，侍应就带左我地去隔离铺，都系坐满晒人，我地坐左系近门口既bar台望住条马路。装修好清新、简洁。上返operice先知，原来佢同一条街开左三间，真犀利。我lunch time去，佢有lunch set、全日早餐同啲特色餐拣。最后拣左一份Twin Benedict 配咖啡同埋手打牛肉汉堡+奶茶佢上菜既时候系由另一间铺送过黎，其间系门口会经过块防走冷气胶帘，卫生方面感觉不太良好...个benedict蛋一啲都唔热，见到块芝士咁完整就知道了，唔知系咪一次过整定好多粒...但个蛋都整得几滑。Benedit上面既荷兰酱系决定呢味菜既质素高与低，而今次佢个酱冇淋系蛋既上面，当时都唔系太食得出个味道。睇返相先见啲汁原来夹左系蕃茄同芝士中间。可能系稀得济既关系，佢流晒落只碟到，影响到个包都淋晒。唔好食。反而个汉堡就唔错，汉堡包个皮明显有烘过，非常之脆，入面旧牛肉好厚，搞到要禁bin晒佢先放到入口食。个牛肉整得好好食，有口感，唔会煎得过晒龙，然且咬落去有肉汁bit出黎伴碟既薯角都系
入到去话两位，侍应就带左我地去隔离铺，都系坐满晒人，我地坐左系近门口既bar台望住条马路。装修好清新、简洁。
上返operice先知，原来佢同一条街开左三间，真犀利。
我lunch time去，佢有lunch set、全日早餐同啲特色餐拣。最后拣左一份Twin Benedict 配咖啡同埋手打牛肉汉堡+奶茶
佢上菜既时候系由另一间铺送过黎，其间系门口会经过块防走冷气胶帘，卫生方面感觉不太良好...
个benedict蛋一啲都唔热，见到块芝士咁完整就知道了，唔知系咪一次过整定好多粒...但个蛋都整得几滑。Benedit上面既荷兰酱系决定呢味菜既质素高与低，而今次佢个酱冇淋系蛋既上面，当时都唔系太食得出个味道。睇返相先见啲汁原来夹左系蕃茄同芝士中间。可能系稀得济既关系，佢流晒落只碟到，影响到个包都淋晒。唔好食。
反而个汉堡就唔错，汉堡包个皮明显有烘过，非常之脆，入面旧牛肉好厚，搞到要禁bin晒佢先放到入口食。个牛肉整得好好食，有口感，唔会煎得过晒龙，然且咬落去有肉汁bit出黎伴碟既薯角都系刚炸好，好脆。
餐厅用左橙黎做伴菜，可能想带出清新健康既感觉，但我自己就觉得有点奇怪，如果佢会剥埋皮就会美观啲...
张贴
