Moment Cafe

营业中

休息中

平日早上10點幾去到食早餐，舖入邊客流量都幾多。雖然店內空間不大，但格局簡單，坐得幾舒服，枱之間有隔板間開。三個人，各人都叫左$45既早餐，包杯熱飲。牛角包餐配熱好立克。份量幾多，牛角包酥脆，濃牛油香，夾住芝士、火腿、番茄、生菜，伴碟有沙律，炒滑蛋，法蘭克福腸，2塊橙。營養均衡，色彩豐富，瞬間就吸引眼球，口水直流。整體係非常滿意的！枱側邊有餐具供取用，牛角包餐係唔錯既，食完剛剛好夠飽。e而另外兩位同伴，就點左鹹牛肉三文治餐同2個小火腿漢堡餐，凍飲則加$3。賣相一樣好誘人。全部都好足料！$45係非常抵食！又有水果同菜。比茶餐廳既出品更用心。價格合理，套餐選擇多，下次會回頭！只係店位置比較偏，無咁方便。

喂大佬呀可唔可以唔好比個咁蠢嘅人做叫飛排第一個 叫我坐低等等我話唔洗坐 企係個門口出面佢就好叻咁叫晒其他幾檯係我後面黎嘅入晒去問佢點解佢話唔清楚你都仲可以話你唔清楚唔清楚可以邊個清楚 又唔問垃圾服務 垃圾餐廳上網見comment好好諗住黎試下 搞到一肚氣

係香港，隨便食個all day breakfast 一定100蚊起今日係元朗居然俾我地發現左間all day breakfast 唔洗50蚊 仲要係好食同大份牛角包全日早餐 有炒蛋，香腸，水果同沙律牛角包大大個夾有芝士蕃茄火腿最後仲配埋野飲真係good morning~😍

好好味, 一向不太喜歡食蛋的我, 見倒哩個係招牌菜, 即本一試, 嘩!! 一試難忘, 個蛋D 蛋白好滑, 我曾在其他餐廳都吃過同樣班尼迪蛋 , 但這裡真的很好吃, 配以新鮮蓄茄同芝士, 味道都好夾, 不過, 本人一向重口味, 故整體味道我會覺得加多一份咸味就到至極點! 套褻加配一杯香濃咖啡 , 不能不提是杯咖啡味道真香濃, 當天我點選了"淨啡" , 更覺香濃無比, 作為一天的開始 , 這份早食完美的給了我二百分的力量向工作打拼!  哈哈! ,

晏晝去左鳳悠南拎淘寶就順便係附近搵野食。放假晏左起身，唔想食咁飽，行過見到呢間啲野幾岩食同幾多人，就決定試下啦。入到去話兩位，侍應就帶左我地去隔離鋪，都係坐滿晒人，我地坐左係近門口既bar檯望住條馬路。裝修好清新、簡潔。上返operice先知，原來佢同一條街開左三間，真犀利。我lunch time去，佢有lunch set、全日早餐同啲特色餐揀。最後揀左一份Twin Benedict 配咖啡同埋手打牛肉漢堡+奶茶佢上菜既時候係由另一間鋪送過黎，其間係門口會經過塊防走冷氣膠簾，衛生方面感覺不太良好...個benedict蛋一啲都唔熱，見到塊芝士咁完整就知道了，唔知係咪一次過整定好多粒...但個蛋都整得幾滑。Benedit上面既荷蘭醬係決定呢味菜既質素高與低，而今次佢個醬冇淋係蛋既上面，當時都唔係太食得出個味道。睇返相先見啲汁原來夾左係蕃茄同芝士中間。可能係稀得濟既關係，佢流晒落隻碟到，影響到個包都淋晒。唔好食。反而個漢堡就唔錯，漢堡包個皮明顯有烘過，非常之脆，入面舊牛肉好厚，搞到要禁bin晒佢先放到入口食。個牛肉整得好好食，有口感，唔會煎得過晒龍，然且咬落去有肉汁bit出黎伴碟既薯角都係

說到文青cafe 要用番咁上下詩意既topic星期日慣性學完琴後到雞地食個遲lunch再學跳舞可惜慣常食的西班牙餐廳已易手😭😭痛心疾手之時失去方寸卻遇上moment cafe心情不好食個all day是有治癒作用的細細份既班尼迪蛋配沙津生果 營養均勻新鮮生菜加芝麻醬簡單討好班尼迪蛋包底脆身香軟 加上車打芝士水波蛋切開流出蛋液 magic moment反而荷蘭醬吃不出味道 不過味道夠豐富了飯後果的橙鮮甜多汁 完美結束鄰檯的男人食果個漢堡配薯角 賣相吸引後座一群女士極力稱讚炒意粉看來這間店要book mark再來👍👍

十分喜歡這裏的all day breakfast 份量和味道也挺不錯的啊！這all day有特色肉腸(法蘭克福腸 煙辣肉腸 阿歷士黑腸) cold cut 火腿，班尼廸蛋，炸薯角，奶醬多士及時令沙律 另外再配上熱朱古力一杯 ♡

下午茶時候食lunch  😆為了佢既all day breakfast 而來🤗所以無論有幾多選擇都係要一試！野飲方面跟餐加$10 可以叫特飲wor😊於是叫左rose latte 玫瑰咖啡🌹🌹一杯好既咖啡帶黎一個好開始😊(雖然moment 鋪頭細細，但係裝修都幾有家的感覺，小小文青feel☺️）朋友叫左水蜜桃梳打😍賣相一流，味道夠fresh! 夏天消暑一流☝🏻唔錯 (跟餐加$10)重可以同姐姐講想要少甜（健康人生😂）重頭戲黎啦⭕️係all day breakfast 呀☝🏻😌有爆多花生醬既多士😍超脆💯班尼迪蛋可以話係真！流！心😊💯黑椒香腸（3條） 煎得剛好，唔係太濃但係有脆皮感😌☝🏻💯淨係lee 3 樣野都對得住佢價錢呀😍成為一人$92⭕️Hea 足個半鐘😜