容記小菜王 (已易手)

呢间系我地深水埗既饭堂。为了能食到佢既招牌烧肉- 真架，每日限量供应，卖完即止，试过有次八点几到就已经卖晒。我同老公六点半左右到，唔驶等位有张最后二人枱。梗系要点佢既招牌烧肉，我由数年前第一次食过开始，就发觉其他地方烧肉同佢无得比，呢度真系好好食，我老公都系咁话。跟住叫个金银蛋波菜同埋老少平安。讲下的𩠌先：招牌烧肉－　肉质美味可口，烧肉皮非常脆口，咬落卜卜声，唔太咸所以易入口金银蛋菠菜－　的菜好新鲜，果晚只系好想食菠菜，都ＯＫ既老少平安－　呢个菜唔系周围都食到，皆因系平既家乡𩠌黎。屋企人会将豆付、鱼肉、虾米捞埋一齐蒸。呢度既非常大碟，四个人份量黎，所以我地食唔晒，豆付好滑，系我老公嫌唔够咸，但对于我黎讲啱啱好。讲真，呢个𩠌几平架(HKD48)，一班人都好抵食。果晚七点零已经坐满客，黎等位既要人齐先俾位，有得ＢＯＯＫ位既，好多人都预先订位。。尤其一班人果的。当然，有时间一定会返黎呢度帮衬。