YAKINIKU KAKURA (新城市廣場一期)

营业中

休息中

之前同媽媽去過YAKINIKU嘅其他分店，佢大贊，所以今次放工決定同老公去沙田嘅分店去食燒肉下午茶。去到呢一間燒肉餐廳，點可以唔叫大判燒！！！所以我哋今次叫咗一個黑毛和牛大判燒盛盒（午餐）+跟餐鹽味牛舌+星期三特價海鮮拼盤+日本蠔x2。大判燒盛合一如既往無失水準，牛肉嘅雪花超級靚，未燒望到已經流晒口水。呢件大判燒真係一定要一定要一定要叫職員幫忙燒，因為自己真係好擔心會燒得唔好食，點埋個生雞蛋真係提升咗呢一件肉嘅味道。成個盛合肉質鮮嫩，入口即溶，正！！！除左大判燒，今次要特別隆重推介嘅就係海鮮拼盤！！！職員放上枱嗰下真係嚇咗一跳，估唔到嗰三隻蝦會咁大隻！！！燒完之後肉質唔算好爽口，但係勝在超！！級！！多！！膏！！海鮮拼盤嘅烏賊尚算爽口，味道係比較清淡，同牛油帶子形成強烈嘅對比。生蠔用牛油燒都好好味，而且生蠔燒完之後都唔會變到好細粒，肥肥美美好正。呢間燒肉真係冇得頂，服務態度一流，食物質素超班，佢嘅價錢亦都唔算超級貴，套餐嘅選擇亦都好多，真係好適合燒肉愛好人士。