鮨海

营业中

休息中

坐寿司巴台已经成为习惯，好钟意睇住师傅整寿司。今次系小妹第二次黎到呢间日本餐厅，第一次既印象深刻，觉得呢度既寿司性价比高。物超所值，所以圣诞节🎄黎encore多次。一如既往叫左一个deluxe sushi set, 今次既寿司同上一次黎有少少出入，应该系因为有啲系季节性既鱼。赤身寿司上面加左紫苏花，令成件寿司增加左香气，比平时既赤身寿司加左好多分，好惊喜。赤鯥寿司又系当日既另一惊喜，出奇地多油份，软淋淋，入口即溶，可以同左口鱼边互相媲美。😋令我对赤鯥改观，还佢（赤鯥鱼）一个清白。因为第一次食既时候油脂冇咁多，当时真系有啲失望。经过今次，我决定以后见到都要俾多次机会佢。拖罗上面有好多新鲜即磨既芥末，有少少抢左拖罗既油脂，但系依然好好味！带子寿司上面加左少少梅子酱，个人认为抢哂成粒带子既味道，其实简简单单少少海盐已经好加分，加埋梅子酱就好似抢哂成粒带子既鲜甜味。整体黎讲，环境干净，服务又唔错，而且性价比相当高既日本小店！力撑用心经营既小店。💪🏻 另一赞赏，星期一至日都有午市套餐，实在太难得。