Miso (已結業)

市道真系好到不得了，星期六晩九点几喺海港城揾食，间间都要排队，结果去了呢间唔使排队，不过又系美心集团旗下嘅日本fusion菜 - Miso.入到去，竟然叫我地两个坐最近门口嘅𠮶张枱，有冇搞错，入面就唔满，全场嘅枱只系坐咗六七成，有位都唔比客人，要客人开口要求。1. 脆脆蟹肉沙律.日本粉丝 - 用一层应该系好似春卷皮载住啲沙律，脆脆的，几好味，芒果肉好甜，日本粉丝、青瓜丝、蟹肉，呢个组合好好，感觉同上次置地广场间 贺菊 差不多。2. 香葱拖罗卷 - 普通货式，切口唔齐，高度不一，好唔整齐，卖相唔合格，入面用嘅拖罗又少又唔靓，毫毛味道可言，失败。3. 日式薄切西冷牛肉饭 - 话薄切，其实系厚切。件西冷又多筋，都唔知叫人点食落口，不知所谓。4. 盐烧鲭花鱼 - 全晚最突出之作，真系几好味，因为条鱼够肥，而且个厨烧得唔错，啱啱好，外皮脆，入面啲肉仍然好嫰，终于有一样似返啲样。Comments: 可能真系一分钱一分货，同上次间 贺菊 真系冇得比，虽然大家同属一个集团。佢地又揾一个新手嚟serve我地，个待应仲挂住个牌，上面写住"I am New"，真系比佢地激死。未试过可以悭返笔，无谓浪费金钱。