豚組 (已結業)

自問都食過唔少吉列, 香港/日本/台灣都有. 但係今次先係第一次幫襯豚組. 因為係銅鑼灣想食吉列,通常都會去左某店. 今次食豚組好老實係因為佢平d,今時今日都唔可以餐餐都食貴野.六點幾上都去無咩人,可能因為早,又可能已經無初初開咁多人(自己估).坐位都可以選擇,唔會同你講訂晒位.點了一個白豚+蠔,一個蝦.白豚+蠔先來,蝦就遲十分鐘有多.唔知呢到有無 '一齊上share食'呢,佢地無問,所以等齊先食就唔夠熱了.睇價錢覺得質數都ok,蝦唔算大隻,不過有鮮味, 蠔夠大隻夠肥,白豚一般合格.整體都炸得唔錯.Service就怪少少,食完第一輪菜絲, 突然有人埋黎加菜,但係佢無出過一句聲.第二次想加菜及加飯,反而等左好耐都無人.其實唔明,食過好多吉列店,加菜加飯係指定動作,但呢道無論店員顧客都好似無呢一回事一樣.唔似其他店咁主動.不過,發生左件小插曲,肯定了除左經理外,其他staff都 "極不主動". 以百幾蚊per head嘅食店,佢地係唔合格.或者唔同價錢唔應該咁樣比較.一分錢佢有一分貨(服務另計).