影片
更多
2010-04-13
3 浏览
爸爸生日，原本谂住食北京填鸭餐，点知爸爸同妈妈不约而同都唔识得~~再问之下~~妈妈原来攞左五月花d资料，睇黎佢都好想试，咁就一于book枱试菜~~因为惊星期六多人，所以一早就book定枱，时间虽然到但因为未齐人所以再延迟左少少，服务姐姐都继续帮我地hold住张枱，唔使入住唔使计时~~good~一坐低第一时间攞晒d order 纸划划划，再递埋张海胆coupon+$17.6，唔知点解所以食物包括炸物都好鬼快第一时间送到，好彩哥哥啱啱赶到~~可以齐齐整整开餐~~海胆︰唔算太新鲜，但都唔系差到入唔到好~~都仲有少少甜味~~不过真系超细板~~刺身︰三文鱼够肥，甜虾够甜，每次我都狂点甜虾~~起码叫左超过60只以上；吞拿鱼反而就麻麻，鲷鱼我有叫冇试~~唔知味道如何，八爪鱼同墨鱼不过不失~~热食︰主打一口牛柳，真系超过好食，连妈妈呢d唔多食牛嘅都赞好~~，清酒同豉汁炒蚬，一个清d有酒味，一个野味；醉鸡翼，唔多够酒味~~不过不失，当然仲有其他~~但太多真系记唔晒~~炸物︰海老天妇罗，只虾比想像中都大只，不过唔多够味~~软壳蟹太多粉，食唔出味；多春鱼天妇罗爸爸赞好，再order时漏左单~~；薯饼哥哥同男
因为惊星期六多人，所以一早就book定枱，时间虽然到但因为未齐人所以再延迟左少少，服务姐姐都继续帮我地hold住张枱，唔使入住唔使计时~~good~
一坐低第一时间攞晒d order 纸划划划，再递埋张海胆coupon+$17.6，唔知点解所以食物包括炸物都好鬼快第一时间送到，好彩哥哥啱啱赶到~~可以齐齐整整开餐~~
海胆︰唔算太新鲜，但都唔系差到入唔到好~~都仲有少少甜味~~不过真系超细板~~
刺身︰三文鱼够肥，甜虾够甜，每次我都狂点甜虾~~起码叫左超过60只以上；吞拿鱼反而就麻麻，鲷鱼我有叫冇试~~唔知味道如何，八爪鱼同墨鱼不过不失~~
热食︰主打一口牛柳，真系超过好食，连妈妈呢d唔多食牛嘅都赞好~~，清酒同豉汁炒蚬，一个清d有酒味，一个野味；醉鸡翼，唔多够酒味~~不过不失，当然仲有其他~~但太多真系记唔晒~~
炸物︰海老天妇罗，只虾比想像中都大只，不过唔多够味~~软壳蟹太多粉，食唔出味；多春鱼天妇罗爸爸赞好，再order时漏左单~~；薯饼哥哥同男朋友都赞good~~不过唔多叫太多~~避免太快饱肚，番薯同南瓜都ok~~鸡软骨同鸡翼大家都赞好~~不过已经饱到塞唔落~~
汁烧︰叫左唔少，但我只拣烧多春鱼同鲭鱼，两个都烧得啱啱好~~外皮脆卜卜，不过略嫌偏淡，但我地都order左几次~~
前菜︰中华沙律、蟹子沙律、螺肉同八爪鱼都系一般货色，但如果去寿司舖唔舍得食就可以狂叫，不过要写多少少份量，因为每次八爪鱼只有两只~~，蟹子沙律反而因为落左少少肉松，所以变得都好好食~~
猪骨煲︰好香胡椒味，落左d蚬、鱼皮饺同肥牛，不过肥牛偏肥~~
寿司︰因为多数评语都话寿司d饭大件，为免饱肚所以只叫左花之恋同一件反卷，花之恋细细件，但都有两件三文鱼卷住，一啖放入口，超爽~~
饮品︰服务员自动添饮~~唔使次次划纸叫~~good~~青苹果绿茶，虽然冲定~~但胜在唔会冲淡，热饮就偏淡少少，饮罐装汽水都抵饮，但饮得多又系会饱肚~~
甜品︰有桂花糕，大家都赞好味，有雪米糍，不过得云呢拿味，唔啱我，亦都有红豆凉粉~~但我冇食到，一个话甜一个话冇味一个话红豆硬~~
枱面食物直至最后last order都未吉过，当然~~埋单嘅时候大家都扫晒~~唔好浪费食物麻~~
张贴