榮川日本料理 (已結業)

大家讲起, 我又讲下啦~ 食过呢度好多次, (咁梗系有人讲先常客啦! haha!) 一般食物质素都真系好一般, 只可以话鱼生够新鲜.要一提牡丹虾, 头原只冇拆, 得! (要叫佢唔好拎去炸先得㖞!)食过牛肉刺身, 好雪花, 好溶化, 不过蘸上汁后就完全欣赏唔到d 味道. 可惜!牛肉锅就几好, d豉油汤底调得几岩, 唔会太浓太甜. 尾段她来加了水, 所以冇愈食愈甜....稻亭乌冬细细碗, 好滑身, 好弹牙.年糕唔系时时有: 先烧后落海鲜清汤, 配料有鸣太卷,鱼旦, 带子果d. 我唔知佢d 年糕来料正宗唔正宗, 但就觉得粉左d, 硬左d, 令我想起上海年糕, 唔得拉扯(冇糯米糍果种拉扯)令我得个咬字. 普通既杂菜salad, 牛油果,青瓜,日本蕃茄都好好食!唔记得食咩跟左个梅子酱, 点时好有质感, 好梅!好梅!甜品有蜜瓜, 我就唔觉得系特别甜, 同香港一般既差不多je~ 雪糕食过荔枝,豆腐果d, 都系好普通...始终绿荼最滑最好食.坐房服务就差d, 成日漏单.本人觉我坐bar台d单跟得好d, 而且气氛好d. 不过会比人听到晒你同朋友讲咩~~