影片
更多
2012-10-29
9 浏览
最近CoCo壹番屋杀入康怡吉之岛, 每次面对新食店开张, 都永远都将自己的揾食格言(未开够2个月唔好试住)忘记得一干二净...唔好以为冇人食, 实情系几张枱一齐埋单走咗, 外面排紧队嘅客人未入座, 先比我地捕捉到呢个镜头... 环境都OK舒适, 未算好坐, 因为后面d通道人来人往, 同坐路边冇分别... 枱与枱之间只有条狭缝, 虽未至于搭枱, 但感觉上无异...o黎得呢度, 就紧系食咖喱o架啦!!! 见到有奄列咖喱饭, 好吸引㖞... 就试吓啦!!!散叫食物, 加钱可以转做套餐, 可选配例汤、迷你沙律、甜品、饮品... $15任选2款, $20任选3款, $25任选4款... 我地决定试齐4款...落单需要重复复述好多次, 落单速度有待改善...迷你沙律 (套餐) -- 服务员放低时讲咗句豉油汁... 咁强调豉油汁?!! 唔通有其他沙律汁拣?!! 落单时冇问过我地㖞!!! 后尾上网调查, 原来可以拣芝麻酱or豉油汁o架!!! 乜咁o架... 人地钟意芝麻汁o架嘛... 生菜都几新鲜, 豉油汁味道似酸醋汁... 都几清新开胃...例汤 (套餐) -- 哗!!!!!! 打泻盐呀?!! 咸到
唔好以为冇人食, 实情系几张枱一齐埋单走咗, 外面排紧队嘅客人未入座, 先比我地捕捉到呢个镜头... 环境都OK舒适, 未算好坐, 因为后面d通道人来人往, 同坐路边冇分别... 枱与枱之间只有条狭缝, 虽未至于搭枱, 但感觉上无异...o黎得呢度, 就紧系食咖喱o架啦!!! 见到有奄列咖喱饭, 好吸引㖞... 就试吓啦!!!
散叫食物, 加钱可以转做套餐, 可选配例汤、迷你沙律、甜品、饮品... $15任选2款, $20任选3款, $25任选4款... 我地决定试齐4款...
落单需要重复复述好多次, 落单速度有待改善...
迷你沙律 (套餐) -- 服务员放低时讲咗句豉油汁... 咁强调豉油汁?!! 唔通有其他沙律汁拣?!! 落单时冇问过我地㖞!!! 后尾上网调查, 原来可以拣芝麻酱or豉油汁o架!!! 乜咁o架... 人地钟意芝麻汁o架嘛... 生菜都几新鲜, 豉油汁味道似酸醋汁... 都几清新开胃...
例汤 (套餐) -- 哗!!!!!! 打泻盐呀?!! 咸到苦!!!!!! 又话蕃茄唔知咩汤, 一D蕃茄味都冇, 而且稀到水咁, 好难饮呀!!!
饮品 (套餐) -- 见隔离枱杯冻柠茶几靓咁, 所以忍唔住要叫o黎饮吓... 外表就唔错嘅, 糖浆仲要系独立包装, 方便卫生, 可惜茶冇茶味, 柠檬冇柠檬味, 1:99咁... 仲要只系比支饮管, 冇比茶匙, 叫人点拮d柠檬呀?!!
蕃茄芦笋奄列咖喱饭 ($60) -- 以蛋包饭嘅标准o黎睇, 唔合格!!! 佢只系以未炒至全熟嘅蛋铺系旧饭上面, 太唔似样!!! 以咖喱饭o黎讲, 相当OK, 咖喱汁特多, 辣味属于中辛至大辛级别, 珍珠米粒粒都相当饱满, 蕃茄嘅酸味同咖喱唔系太夹, 芦笋都几爽脆, 整体味道OK, 份量虽然大, 但可以全碟KO!!!
吉列猪扒奄列咖喱饭 ($70) -- 都系个蛋唔得, 猪扒个皮炸得好脆, 肉质唔Juicy但未至于太硬, 捞咖喱汁食真系一流...
甜品 (套餐) -- 全晚惊喜所在!!! 甜品竟然系双色雪糕, 仲要系士多啤梨雪糕 + 曲奇雪糕, 仲要咁大球, 好抵食㖞!!! 士多啤梨雪糕有士多啤梨果肉o架, 甜甜酸酸, 滑滑溜溜, 好好味呀!!! 曲奇雪糕都好好味呀, 真系有曲奇碎系入面o架...
如果大家想转套餐, 我会建议大家加$15选迷你沙律同甜品, 例汤同饮品可以不理...
食完晒先留意到有呢2樽配料, 原来系渍萝卜, 都几爽脆, 我见到几位女顾客都劲落大半樽啰... Hot Spice就无试啦, 因为d咖喱对我o黎讲已经几辣....
唔知系咪因为咖喱加埋炸猪扒太热气, 夜晚舌尖好痛, 临瞓前要饮杯清热X先可以去瞓... 过一排先再比多一次机会佢...
张贴
