影片
更多
2009-11-07
4 浏览
今次突然同个朋友出去食饭，心谂8点零去铜锣湾食饭，除非你去高级食肆，如果唔系难免要等好耐(因为本人无甚耐性，等好耐位唔系我杯茶)。不过既然系朋友介绍0既，即管一试喇。大概系8点出头去到，入到去好似只有4/5 枱客，客人真系唔系咁多。呢度灯光真系昏暗，而且人客并唔系太多，几适合情侣约会，又或者系约埋两三知己吹水。不过入场都有谂过，正值食饭高峰期，点解会唔少人0既，唔通唔好食 ... 由于朋友0既极力推荐，我地最后点左呢度出名0既长崎拉面以及特制什锦猪骨汤面。所谓0既长崎拉面，其实系讲紧由几种唔同0既海鲜再加上猪肉、木耳、野菜等材料而成。而特制什锦猪骨汤面，就系由叉烧、肥猪肉、温泉蛋等材料再加上浓郁0既汤底而成。除两碗拉面之外，我地亦有点左1个吉列炸蚝。喺主菜黎之前，首先黎0既系一D前菜 。不过就咁睇，真系睇唔出系乜野夹乜野，咁我就去问服务员系乜啦... 点知佢俾佢耍左一轮太极都唔知系乜 .... 咪唯有算啰 呢度可以话系成个晚饭最美中不足0既一环。首先黎0既系长崎拉面，佢一上菜我真系吓左一大跳 : 咁大碗0既 ! 老实讲感觉唔倒佢有放D乜名贵食材 (除非你话墨鱼好贵?!)，不过应该系
大概系8点出头去到，入到去好似只有4/5 枱客，客人真系唔系咁多。呢度灯光真系昏暗，而且人客并唔系太多，几适合情侣约会，又或者系约埋两三知己吹水。不过入场都有谂过，正值食饭高峰期，点解会唔少人0既，唔通唔好食 ...
由于朋友0既极力推荐，我地最后点左呢度出名0既长崎拉面以及特制什锦猪骨汤面。所谓0既长崎拉面，其实系讲紧由几种唔同0既海鲜再加上猪肉、木耳、野菜等材料而成。而特制什锦猪骨汤面，就系由叉烧、肥猪肉、温泉蛋等材料再加上浓郁0既汤底而成。除两碗拉面之外，我地亦有点左1个吉列炸蚝。
喺主菜黎之前，首先黎0既系一D前菜 。不过就咁睇，真系睇唔出系乜野夹乜野，咁我就去问服务员系乜啦... 点知佢俾佢耍左一轮太极都唔知系乜 .... 咪唯有算啰 呢度可以话系成个晚饭最美中不足0既一环。
首先黎0既系长崎拉面，佢一上菜我真系吓左一大跳 : 咁大碗0既 ! 老实讲感觉唔倒佢有放D乜名贵食材 (除非你话墨鱼好贵?!)，不过应该系太过足料0既关系，感觉D都唔孤寒 (反而仲觉得佢好DUM本添)。
至于汤底方面，虽然都系用猪骨汤肴成0既，但系感觉一D都唔会有好浓烈，反而觉得佢系几清0既。由于自己一向唔系咁喜好太咸及油腻0既食物，呢个汤底，甚至乎个面我都觉得几唔错。
未几什锦汤面终于黎到，AGAIN，系好大碗0既... 而且我心谂 : 虽然系两个男仔，会唔会食唔晒 ... (而且仲有个蚝)。呢个汤面同刚啱0既长崎汤面感觉差好远 - 可能先入为主，饮左啖汤就觉。呢个汤底比刚才0既浓郁得多，而且面头都有好'适量'0既油，我个人饮左一两啖己经放弃。
当然，亦都由于呢个主打系猪肉 (叉烧+肥猪肉)，食落会更加'满足'。不过，毫无疑问，佢整0既叉烧同肥猪肉都系肉感非常丰富 (不过我系冇食肥猪肉𠮶D肥膏)，而且完全冇干争争0既感觉，钟意食叉烧拉面0既朋友，一定要试。
当然值得一提0既系佢只蛋... 虽然饮左个浓汤，食左个肥猪肉，仲有唔少拉面，真系会有饱0既感觉，但系食落只蛋依然一赞，蛋白柔软得呢，蛋黄有𠮶种糖心0既感觉，两个人SHARE 一只蛋啱啱好。
由于我地两位要保留少少空间俾只蚝，所以我地最后系浪费左少少拉面 (约莫有成1/4 碗猪骨汤拉面)，不过长崎拉面个汤底我系依然饮晒，因为实在太好饮。但系猪骨汤呢个就真系唔得喇，唔想油太大量0既油... ...
要重申0既系猪骨汤底真系其实唔错，只系个人喜好问题并冇饮晒。
最后黎0既吉列炸蚝其实都唔错，不过由于同其他地方食到0既都差唔多，所以唔提。
个人认为如果系拍拖黎0既，可以点一个拉面就够，另加1/2 个小食即可。此举既唔会浪费食物，又可以充份享受美食0既满足感 (始终，食得太饱食欲会大减)。而且更可以享受0既系呢度宁静0既环境，喺做完一日野，辛劳完一天之后，享受并感受同朋友一齐食美食0既机会，绝对系另一种充电。
走0既时候己经过左9点半，但系发觉走0既时候比黎0既时候更多人 (都坐左7成左近)，睇黎有识食之人钟意更夜黎，真系失觉晒。
张贴
