澳門氹仔葡式餐館

营业中

休息中

工作迟了开饭，到时已经是下午茶时候，泊低车，餐厅好大，藤椅木桌，门口都有几张枱，呢排天气清凉，坐门口都唔会好热！呢啲叫做风味！但街景是对著马路，熙来攘往！虽然唔热，但较大尘同餐牌较油腻！不过方便同事呼吸，所以都系坐外面，叫两个炒粉饭分享！店员都好落力介绍！叫了：澳门炒米：之前食过两次，因为个名其他地方无，但两次出现个结果好唔同，一次有加豉油炒，一次就无，店员话要落单时讲明叫厨师加色炒！咁有豉油𠮶次好味啲！今次就叫加色炒，但个店员又唔系好明，要解释一轮先明！佢亦唔系无心做，只系唔明！今次炒出来就唔系咁好味，材料似星米，蔬菜爽脆，虾仁火腿都唔错，份量亦多，虽然有加色，（豉油）但米粉带㶶味，而且偏咸（可能呢个厨师唔系之前𠮶个）所以味道一般！咸鱼鸡粒炒饭：好简单嘅材料，够镬气！饭粒粒粒分明兼干身，生菜丝爽脆，鸡粒淋身唔嚡，咸鱼虽然见唔到，但味道渗透晒入饭粒！好味！一个好味，一个一般！而餐饮拣咗加钱饮罐装可口可乐，罐装一定够气，不过唔算冻！餐厕所都几窄，而且无挂钩，唔太方便！幸好干净，而且有大量厕纸供应！唔错！服务：店员努力招待，有介绍食物，我们想改少许都可以！只要佢明嘅话！