影片
更多
2022-12-02
445 浏览
说到中环威灵顿街，以往令我第一时间谂起嘅系出名食烧鹅嘅镛记又或是昔日嘅兰桂坊照妖镜翠华。但是日约上友人黎食呢间日式炸猪扒餐厅后，以后说起威灵顿街，好可能系我脑海浮现嘅，会系呢间暂时系我心目中No.1嘅炸猪扒店。呢间新餐厅价钱唔系平，亦无见到咩优惠或宣传，但依然不乏人流，皆因佢同极难book位嘅著名天妇罗Omekase店Tempura Jiro属一间公司，本身就有好多忠实客仔。.🍴晚市Set配有3款唔同嘅前菜，貌相精致不在话下，食材配搭亦甚具心思。青瓜昆布带浓浓麻油香气，姜汁猪柳表面撒上少许姜葱，则有少许中菜感觉。最意想不到嘅却是看似风马牛不相及嘅Cream cheese萝卜，入口带有少许烟熏香气，非常特别。紧接前菜嘅系吉列虾、吉列蟹钳、日本番茄同迷你日本蔬菜火锅🥬等等。两款吉列海鲜均非常鲜甜，大大只嘅饱满蟹钳，配搭自家制足料蛋香他他酱，令人意犹未尽。日本番茄就加入咗啫喱醋，酸甜开胃。蔬菜火锅就系意式style，以🥛牛奶面豉为主调配而成嘅fusion意式酱汁，配搭颜色缤纷嘅新鲜日本蔬菜，例如红心萝卜、日本番薯、青椒等等，好似芝士火锅咁食，玩味十足。食晒之后，是晚主角就开始陆续登场。圆柱体
说到中环威灵顿街，以往令我第一时间谂起嘅系出名食烧鹅嘅镛记又或是昔日嘅兰桂坊照妖镜翠华。但是日约上友人黎食呢间日式炸猪扒餐厅后，以后说起威灵顿街，好可能系我脑海浮现嘅，会系呢间暂时系我心目中No.1嘅炸猪扒店。
呢间新餐厅价钱唔系平，亦无见到咩优惠或宣传，但依然不乏人流，皆因佢同极难book位嘅著名天妇罗Omekase店Tempura Jiro属一间公司，本身就有好多忠实客仔。
.
🍴晚市Set配有3款唔同嘅前菜，貌相精致不在话下，食材配搭亦甚具心思。青瓜昆布带浓浓麻油香气，姜汁猪柳表面撒上少许姜葱，则有少许中菜感觉。最意想不到嘅却是看似风马牛不相及嘅Cream cheese萝卜，入口带有少许烟熏香气，非常特别。
紧接前菜嘅系吉列虾、吉列蟹钳、日本番茄同迷你日本蔬菜火锅🥬等等。两款吉列海鲜均非常鲜甜，大大只嘅饱满蟹钳，配搭自家制足料蛋香他他酱，令人意犹未尽。日本番茄就加入咗啫喱醋，酸甜开胃。
蔬菜火锅就系意式style，以🥛牛奶面豉为主调配而成嘅fusion意式酱汁，配搭颜色缤纷嘅新鲜日本蔬菜，例如红心萝卜、日本番薯、青椒等等，好似芝士火锅咁食，玩味十足。
食晒之后，是晚主角就开始陆续登场。圆柱体嘅卷卷北海道猪柳，两块佐贺猪扒，再加埋限量嘅吉列免治猪，全部经由低温慢炸而成，外面嘅炸层香酥薄脆，几乎一碰牙齿就立马细碎化开，毫无平日炸猪扒成日出现嘅炸粉扎口情况。内层嘅猪肉则是厚实中不失柔嫩，湿润多汁，且肉汁带浓浓肉脂香气，重重油分嘅肉质加上控制得刚刚好嘅熟度，食落真心系一口一感动，第一次系香港食到咁高质嘅吉列猪。另外，搭配猪扒嘅酱料款式非常多，例如有黑松露盐、芝士盐、岩盐、一味盐（辣）、柠檬🍋、酱油浓汁、芥末酱油、他他酱等等，将块块本来就近乎完美嘅猪扒，再多重演绎得淋漓尽致。
✨PS：“16谷米/日本米🍚、白面豉汤、日本椰菜” - 全部任意添加
最后俾大家睇下聚精会神工作嘅师傅，日本食物高质真系有原因，成餐饭一路望住师傅炸猪扒，每一个细节都极其细心同认真，真心就系呢d极致嘅专注，先炸到咁高质嘅猪扒。
张贴
