金太郎 (已結業)

之前听朋友讲金太郎十蚊碟寿司, 已经好想去食。星期日下午去, 唔驶等位, 但系发现无寿司回转㖞, 全部系ORDER。依家做紧PROMOTION, 十五蚊一份三件O既三文鱼刺身,正价要68蚊先有8件O架!仲有几类刺身都系15蚊三件。正!寿司依然十蚊两件大大件。D套?又几抵㖞, 有饭有面拣, 通常一个饭/面配三件寿司/刺身。三十五至四十五蚊, OK啦。我试O左鸡扒面, 都OK丫, 汤底几好味。试过金菇牛肉卷, 麻麻O地, 但系好大件, 算抵食。环境系逼少少, 好处系开放厨房可以响厨师手中直接送食物去你面前, 感觉好似好重视你咁。不过因为对正厨房, 所以一路食一路望住D污糟碗碟啰…值得一提系金太郎依家学味千拉面咁出张开心咭㖞~20年费, 佢列O左十种唔同O既优惠, 有九折/八折(唔同时段唔同折), 送O野食, 或者某种食品半价等, 每次去都可以用其中一样优惠。几得意丫, 可以多D选择, 想点优惠可以自己拣, 拣到最O岩自己, 好过硬性规定丫。