金鳳大餐廳

营业中

休息中

前日师傅又再次比同僚相约午膳, 虽然有少少唔想去, 但最后还是去了; 两个人又是边行边谂地方, 最后师傅为免又唔知去边好, 就提意黎呢间食店, 因为从来都未黎过, 所以师傅都几期待!入到去都几多人, 不过两个人好易有位啫; 一坐底侍应就即刻放低两个餐包, 师傅心谂系咪就算唔柯打野食都至少有两个包吃呢? 不过都系唔理咁多, 即刻落单先, 事关师傅喺门口已经睇啱左个午餐, 加上好肚饿, 所以就拿拿声柯打左个A餐!A餐系免翁牛扒, 而餐汤师傅就拣左罗宋汤, 餐饮就要左冻柠檬茶! 先讲下个餐包先, 餐包唔热但胜在软熟, 呢一下真系挽回唔少分数; 而罗宋汤都嘅汤料都几足, 酸酸辣辣都几开胃, 亦为下一道菜做好准备, 唔错; 而免翁牛扒卖相都几吸引, 免翁嘅汁系属于旧式嘅蘑菇汁 啡啡地嘅汁非常好味, 令师傅非常惊喜, 而牛扒就好松好腍, 都几有牛味加上师傅食唔到有松肉粉嘅味道, 可以㖞, 但唯一要弹就系冇问牛扒都几成熟, 如果能跟随人客嘅喜好, 应该会更好; 冻柠檬茶就几细杯, 味道不过不失, 可以啦!总括黎讲食物质素都几好, 环境地方就残旧少少, 如果系拍拖要气氛就唔好黎呢间喇, 因为一定比唔到