L.D.K. by Ufufu Café (新都會廣場)

营业中

休息中

朋友系要见既，虽然只系食餐饭，行一阵，但已经好开心。朋友之前食过一次，话试过卡邦尼意粉，佢话okay，所以今次同我再去。系葵芳地铁站，穿过无印，上一层就见到啦。唔洗等位就入左去...叫左一饭一意粉share加左38蚊，有个沙律同酥皮汤。个沙律都okay既，唔知系咩酱，但味道还可以，唔系醋个种。酥皮汤系粟米汤，个汤浓郁，好香粟米味，个酥皮都好正。重点来了！！大推大推！！我超爱食明太子，所以拣左呢个明太子忌廉蛋包饭。我原本期望唔太高，但食左一啖之后，我即刻问我朋友边到有分店。呢个饭真系好好好好好食。蛋够滑，饭够味，重点系个汁，真系好好食。我最后系饮埋个汁咁。我一定会去再食。个意粉都好食，但相比蛋包饭，我都系拣蛋包饭。个意粉有好微好微既辣，唔食得辣既我都觉得好微。意粉烟韧，蚬都算多。两样野面头个啲系紫苏叶，如果唔钟意阵味就夹开去啦。真心推荐明太子忌廉蛋包饭。