極尚大喜屋 (鱷魚恤中心)

营业中

休息中

呢个集团嘅日式放题一向系质量保证，好食又多款，观塘呢间仲要够晒就脚。刺身呢啲就唔洗讲，基本上间间都差不多，佢都冇咩特别，正系正在其他野！做紧榴连主题！有香香嘅烤榴连～榴连雪条、榴连糯米糍、炸榴连波波，真系好难唔系咁嗌～鹅肝鸭胸多士、醉鲍鱼同乳鸽系我个人至爱，每次必食。鹅肝香、配合鸭胸香口加倍～但个鸭胸皮就有少少难咬断。醉鲍鱼爽口。乳鸽就烧到啱啱好，皮少少脆、肉仲有少少汁，热辣辣！雪糕同甜品有非常多款式，仲有雪糕机，乳酪雪糕正！haagen dazs都系会令人忍唔到食啦～饮品又系有大量款式，都影唔到咁多啦！星期日5点-7点两个钟够晒食，268加一，抵！