裕一品四川雲南米線 (已結業)

旧公司主管不时都会专登过黎湾仔探望小肥，每次更例必请食晏 。由于深知XO仔钟意试新野，食完又会写食评，所以地点都系任由细佬去拣，今次选择「裕一品四川云南米线」亦是如此。可能「裕一品」新店位于横行交加里，经常都有车辆阻挡，唔太起眼，舖位又唔算大，所以一点钟去都唔洗等位 。食完就会知道其实小店唔系冇生意，而系因为厨房同楼面效率实在太高，食客基本上可以十五分钟内搞掂 ，翻枱翻得好快。小肥一早喺OpenRice度睇咗餐牌，亦拣好食物，阿头入座后即预先叫好食物，等细佬一到就有得食。食店以$29单售自选米线单拼$5𩠌配清汤，改转乌冬只需加$2，以区内食肆黎讲真系算好抵食 。 鱼皮饺乌冬（$31）：「裕一品」个清汤底呈奶白色，味道清得黎好够味，而且意外地一啲都唔油腻，食完一啲都唔会口干，估计不含味精。碗内有三只鱼皮饺，清甜美味，形容为一品级 可话系合情合理，乌冬则属普通货式。