熊貓小雲吞 (愛民廣場)

营业中

休息中

自从大学毕业之后都从来未嚟过何文田，今日同朋友一齐过嚟揾回忆。喺揾回忆之前我哋都要医下个肚先，见到呢间食川菜嘅好似几啱我哋，咩都嗌啲嚟试吓。佢个名写到明系食小云吞，所以必须要试吓啦。我哋拣咗个双拼，分别系韭菜同埋鲜虾云吞。呢个鲜虾云吞都唔错，系几弹牙嘅。依个韭菜云吞就冇想像中嘅韭菜香味，啱晒啲唔钟意浸韭菜味咁浓嘅朋友。另外我哋仲试咗佢个酸辣粉，佢个酸辣粉酸度好够，不过可能我哋叫咗小辣就唔系好够辣。佢佢哋用咗自家制嘅辣菜舖取代咗平时我哋会识到嘅榨菜。而佢啲菜舖都真系几好食，食完都忍唔住买咗樽返屋企。然后我哋见到佢有个串串锅，不过佢个串串锅就一支签都见唔到，我谂佢系为咗方便我哋食挂，但系就觉得除咗个腐皮之外其他都唔系好入味啰。另外我哋叫咗两份鸡翼，分别系孜然味同埋原味，但系佢好似比错咗蜜糖芥茉我哋。佢个鸡翼都真系几好食，炸粉唔会太厚，一咬开啲肉都好嫩好juicy。另外我哋叫咗佢个冰粉，但系呢度嘅配料系要自己落，略嫌佢嘅糖浆比较少，如果可以多番少少就好食啲。而家呢度有啲好特别嘅氮气茶，用呢个方法冲嘅茶啲茶味好出，所以都几好饮。