金子半之助 (利東街)

营业中

休息中

软壳蟹天丼 $148迷你天丼配冷稻庭乌冬 $118👍 虽然已经入秋，但天气仍然热到癫，见到有冷乌冬食，仲一次过食埋天丼，简直系为我呢啲选择困难症嘅人而设！👍 唔好以为迷你就乜都无，基本上 regular size 天丼有嘅野 9成佢都有齐，只虾依样大大只劲新鲜超爽弹。其次炸菇都好好味，唔会出水出到啲炸浆淋哂。👍 见到佢啲天妇罗偏深色其实有啲淆，但听讲系用古麻油炸所以咁嘅色，食落都唔会成口油益味。食天妇罗丼，唔似配汤面咁，最怕劲dry，但呢度唔会，加左少量酱汁，有啲湿润且加添少少味道平衡返，好味！👍 过期间限定软壳蟹，劲大旧，劲多肉。👍 唔好以为呢度做天丼，啲乌冬就好流，但系其实个稻庭乌冬超级好食，软硬适个沾汁又好味，唔太咸唔太甜，刚刚好，推介！👍 连杯茶都劲有heart，系用咗黑豆茶，啱晒我呢一啲肾亏嘅小朋友🤪👍 湾仔区嚟讲，价钱都算相宜，所以我应该会再来翻兜👎 呢度啲位唔多，枱都比较细。如果迟咗嚟(12:30后)，可能要排下队啦。