越萊 (廟街)

营业中

休息中

越莱小火车头（$58）特饮红豆冰（+$4）本来以为下午茶餐，又叫“小”火车头，都唔会大碗得去边，点知上枱吓咗吓，好大碗。配料有生牛肉（竟然有4片）、牛腩（劲有牛味）、牛筋（煮得好淋又入味）、牛丸（弹牙得嚟里面又有汁）、扎肉、豆卜、鸡丝（比较嚡）、猪软骨（大大旧，够味），最好食系牛腩同牛丸，当然其他都唔错；另外仲有白萝卜、生菜、洋葱、炸蒜、芽菜、九层塔、葱花，认真大堆头；牛骨汤汤底好清，微咸，饮咗半碗（事后冇劲口渴）；可选河粉/檬粉，拣咗前者，份量都唔少。红豆冰正常，红豆唔算大粒，但够淋够粉。鸡丝鸡骨汤粉（$42）柑桔蜜鸡丝正常；鸡汤汤底同样好清，微甜；预设系河粉，份量同样好多。越莱蒜香牛油鸡翼，牛油味足，一堆蒜蓉放系面，鸡翼炸得啱啱好，香口唔干身，好味道。