Mamaday (已搬遷) 新店位置

OMG mamaday系我同厚切都好钟意嘅餐厅🍽️初初去系因为充满玩味嘅环境 去过一次就爱上 野食都好好味🤤而且间中又有新菜式 所以每次次都会有啲惊喜唯一要担心嘅应该系食得太饱😂全部都大大份ꕥ 辣㗎傻猪猪猪颈肉泰式肉碎日式蛋包饭餐牌显示1只辣椒嘅辣度🌶️食落辣味都几突出 不过系惹味𠮶种 唔会呛口 肉碎同猪颈肉份量都好多 而惊喜位系蛋煮得好滑 一啖饭有肉有蛋咁食 好有层次🥄ꕥ 有蟹GO又有蟹肉的蟹蟹蟹意大利扁面除咗蟹膏蟹肉 仲有蟹籽添🦀难怪系呢度热门菜式之一 整体味道都好有鲜味 基本上每一啖都有蟹味 捞匀效果都creamy 唔会太稠 扁面煮得啱啱好 软硬适中🍝ꕥ 记住，期望越大，失望越大…鸡翼完全冇失望 每次嚟都会食鸡翼 单骨方便容易食🐥炸粉薄薄地脆卜卜 面头加啲芥末蜜糖酱 甜甜辣辣好正🤤另外仲有微辣原味/芝士味同避风塘选择ꕥ 溶唔晒的棉花糖除咗面头大粒棉花糖 其实仲有啲细粒嘅 呈半溶状态 店员有提醒要搅匀饮☕️咖啡味同甜味相融和 ꕥ 你今日饮咗益力多柚子沙冰未啊？饮咗啦😆估唔到益力多同柚子都咁夹㖞 入面仲有啲柚子肉喺度添 够诚意✨