八月花 (已搬遷) 新店位置

好少去又一城，但为咗迁就友人，所以拣咗喺又一城食饭。唔想食西餐即时收窄范围，咁啱某食评话恒生卡有六折，就决定食呢间八月花。过半数先可以入座，用餐时间 1.5 小时（以中餐厅嚟讲都几 O 嘴）。适逢呢两个月系庆祝母亲节同父亲节嘅旺季，我都明做生意梗系想赚多啲嘅，睇匀成叠餐牌都唔见恒生，就问侍应，原来呢日变咗 “secret” menu。以下菜名取自银行网站。海蜇烧味双拼盘 — 以套餐嚟讲真系好大方，竟然俾嫩滑髀位，海蜇粗身又大碟。黑松露酱四角豆炒虾仁 — 网站写黑松露酱四角豆，不过而家 XO 酱翠玉瓜炒虾仁呢个配搭感觉正常啲。蟹肉烩芙蓉 — 大概分到六碗左右，龙虾汤调味啱啱好，唔似平时有啲餐厅整得偏咸。清蒸花尾趸斑 — 蒸过龙，所以肉颇嚡，不过我估宁可确保熟透，都唔想俾客退番入厨房再蒸。粥水藜麦虫草花浸翡翠 — 面嘅金菇芡份量真系几多，但有人一开始夹太多啰，结果最后变食草蛋白岩米桶仔饭 — 套餐份量唔够饱，所以另外嗌饭。见白饭都十几蚊，不如试吓一桶饭（每位三十几蚊）。份量应该比一碗多，但味道真系无乜特别，纯粹因为岩米多咗啲口感。如果话用原价 $1200我就唔会食喇，但而家六折算系咁啦。