灃味館

营业中

休息中

成日听人讲 沣味馆 几正几正，终于有机会试下，结论系： 真系正嘅～！！ 先讲下啲员工，个个都系好好礼貌有讲有笑，绝对系令用餐经验有加分。 食物方面，溏心皮蛋伴陈醋舟山海蜇头：爽口嘅海蜇头 配 黄金皮蛋，作为前菜呢个无得输，醋味亦无抢晒其他野嘅味。浓汤鸡煲翅： 呢个不得了，一大煲翅，浓厚鸡汤，入面嘅鸡肉都仲系滑嘅～新鲜菠萝拔丝咕噜肉：呢个系食过最好嘅咕噜肉之一，肉实净，炸得好，少少拔丝，啲糖慢慢就变得硬左脆左，高质！鸡油花雕蛋白蒸蛏子配陈村粉： 呢个大癫，鲜味油香酒香口感所有野系配合得好好，直头系叫白饭捞落去喇。大海虾锅巴： 呢个系我全晚唯一无咁钟意，啲汁搞到啲锅巴好痴口，虾好食但汁有色虾有壳食嘅时候都要份外小心。花胶扒配粗面：呢个又系大癫，又系被秒杀之后再叫饭落去捞埋个汁。脆皮葱油鸡： 直接将 葱油 淋喺鸡面，虽然有少少影响到脆皮，但系鸡就滑左同香左好多姜葱肉蟹煲煎肠粉底：呢个又系相机食先喇，肠粉系重点，好好食。全哥炒饭： 有虾有菜有镬气炒饭~ 为成餐饭划上完美句号。