再臨閣

营业中

休息中

为左庆祝一个老朋友既生日，近排我每日都会系唔同既渠道做资料搜集，务求令朋友食得招积。睇咗几间之后，突然间就比我见到呢间近排网上有不少朋友都觉得价廉物美嘅餐厅。我本以为系呢啲咁多人都赞好嘅餐厅就一定会每日都爆满，所以我就决定早一日订枱，不过嚟到先发现原来都唔系太多人。入座后，我首先行咗个圈。食物种类尚算多选择，冷盘，热盘，饮料，甜品。一开始，我就首先攞咗焗蚝，清蒸比目鱼，炸三文鱼饼，豉油鸡同鹅肝。每样食物嘅味道都十分之好，只系豉油鸡比较咸。然后，我就攞咗三文鱼同八爪鱼刺身，师傅切得比较厚身，刺身都几新鲜。而寿司方面，我就攞咗加洲卷同蛋寿司，寿司醋嘅份量啱啱好，饭粒食落去软硬适中。饮品方面嘅选择并唔太多，有咖啡，橙汁，苹果汁，维他命水及中西汤。我选择咗苹果汁，一般嘅苹果汁饮落去会比较甜，但呢款苹果汁我饮落去反而冇呢个感觉甜度适中。最后，甜品种类亦都有唔少，除咗有Häagen-Dazs雪糕之外仲有不少细件嘅甜品，尤其系栗子卷系值得推荐。除此以外，餐厅除咗食物之外环境亦都值得一赞，加上可以睇到幻彩咏香江就已经值回票价。呢个都算系一个难得嘅体验。