緣聚

营业中

休息中

缘聚Together一向系一众元朗朋友食放题嘅好选择，个场好大，地方阔落，有塌塌米座位，坐得舒服又有气氛。今次同朋友星期日黎放题每位$308，加$190升级豪华放题，可以任食生蚝同松叶蟹，甲罗烧，特厚嘅鳗鱼同多款特饮，非常吸引！坐低一定先点一个刺身大拼盘，超多款刺身，肥美嘅三文鱼油甘鱼，鲜甜嘅带子甜虾等等以外，仲有爽口弹牙嘅赤贝，甜美海胆！！法国生蚝任食，虽然唔大只，但都好鲜甜，可以食多几只！松叶蟹钳甲罗烧，平时要系居酒屋先有得食，系呢度升级左就任食，会配上鱼干，而非餠干，非常重本！蟹膏咸香佐酒一流！超级特厚烧鳗鱼！一般放题唔会有得食！肉厚爽弹，鳗鱼汁相对冇咁多唔会咁甜！系呢度就非常满足鳗鱼控！多款串烧炸物，牛舌羊架啖啖肉也是不错！饮品选择固然多，但超特大杯Hoegarrden 生啤先系我最爱，多气，杯都系冰杯，好甜心。甜品方面除咗雪柜任攞雪糕甜筒雪条外，仲可以order Together甜品拼盘，有日式布甸，鲷鱼烧，泡芙， 木糠布甸，啱晒畀女士们打卡。