蘭芳園 (已結業)

好耐冇嚟喇，今朝谂住念下旧嚟食番个早餐啦，点知... 其实本身都冇乜期望，事关自从兰芳园开分店后就已经大不如前了， 觉得招牌菜式都马虎左好多，但估唔到现在连基本功都keep唔住。个蕃茄薯仔汤好稀，虽然都未至于冇味，但以前嘅浓汤去左边？好彩通粉仍然源用有坑纹的，软硬适中，材料足，火腿丝好多，薯仔亦煲得够腍；而个奶油猪仔包都仲好新鲜香脆。饮品我点了冻鸯走甜，够咖啡味但唔够茶味，不过都可以接受嘅。但总观现在嘅兰芳园就跟普通茶记冇分别了。