八月居 (海港城) (已結業)

最近尖沙咀海港城有反斗奇兵4嘅宣传 作为fans嘅我梗系要去同巴斯光年打吓卡 行到晚餐时间就嚟咗八月居食返个晚饭😛平时好少嚟海港城食饭 因为觉得比较贵 唔系几抵食 不过见到呢间餐厅嘅价钱同其他美心中菜嘅都差唔多 冇因为坐落喺海港城而加价 所以就入咗去食 入去之前 店员问我地有冇订位 原来订咗位嘅话就唔会有90分钟嘅用餐时间限制 如果想慢慢食嘅就记得要订位😬今晚叫咗四款菜式 第一样嚟嘅系避风塘黄金脆番薯 估唔到炸番薯同蛋黄系咁夹嘅 加埋少少避风塘嘅辣真系好夹 非常好食🙊酥香鸭 外皮唔算太脆 但系一啲鸭膻味都冇 肉质都好结实 又唔会太油腻 😻樱花虾炒粉丝 樱花虾嘅香令到粉丝提升咗一个层次 配埋蛋丝 芽菜 萝卜丝一齐食 口感好丰富鱼·羊 新作 呢碟好有惊喜 一上台已经知道系呢餐嘅一大重点 因为系有晒干冰做出𠮶个气势 讲返啲食物 四块羊架嘅脂肪都分布得好均匀 不过略嫌个芥末酱甜咗少少 不过唔系好大问题😂 鱼嘅部分仲惊喜 鱼炒得好嫩滑 鲜味都好突出 除咗榄角之外 仲有一啲菜喺埋啲鱼度一齐炒 不过𠮶款菜系好罕见嘅 侍应话系喺海南岛嚟嘅四角豆 香港冇得卖㗎 咁特别嘅豆都系第一次食 味道同口感都好好食