粵品川

营业中

休息中

肥妹仔今晚去咗朋友屋企玩，晩餐好朋友仔提议落呢一间商场嘅粤品川度食，因为佢嘅价钱亲民，而且份量好大份，深受呢度嘅街坊欢迎。白胡椒酸菜烤鱼 $213肥妹仔叫咗个白胡椒酸菜烤鱼，上枱嘅时候忍唔住话咗一声叫出来，真系超级大份！除咗有成条烤鱼之外，仲有海量嘅配菜例如莲藕片，薯粉，炸薯仔，娃娃菜，豆腐，豆皮等等，真系夸张啲讲，四个人先啱啱好食得晒！佢嘅鱼肉好滑，炸完再上，所以食落去好香口。鱼肉有𠮶浸好香嘅鱼油味，白胡椒好香，同酸菜好㗎夹，攞嚟捞饭一流。腐乳通菜$72又系一叠好大碟嘅菜，好有镬气，啲菜冇渣够新鲜。酥脆胡麻虾球 $126呢一个炸虾球又系超级好食！虾肉新鲜爽口弹牙，而且好大只。酸酸甜甜嘅芝麻酱入边沟咗少少芥末酱，食落去微微攻鼻，超级好食。如来罗汉斋炒面 $84肥妹仔眼阔肚窄叫埋呢一个炒面，不过叫完之后一啲都唔后悔，因为佢个罗汉斋料够多，而且啲菜系炒得够爽口，个面底炸得非常好香脆，淋上惹味嘅芡汁超级好食。