Metal Steak (已結業)

朋友见到，杂志频频介绍，中环有一间食和牛嘅餐厅，好吸引，话好想食。所以，今日特登去试吓，餐厅虽然喺歌赋街尾，不过佢嘅招牌好抢眼，离远已望倒，好容易揾。一入去，就有店员即刻同你介绍，佢哋系自助嘅，你想食几多，师傅就帮你切几多，比咗钱之后，即刻帮你烧，然后你就可以揾位坐，师傅烧好，店员就会送餐比你，你唔好以为要等好耐，因为个炉好大，猛火又高温，一阵就搅掂有得食。一坐低，无几耐，我叫嘅近江牛西冷送咗离，唔等啦，即刻趁新鲜热辣食一啖先，哗！好好味，肉质好淋，吾韧又无筋，好嫩好滑，绝对系停唔到口𠮶种，唔够5分钟，成块西冷比我食晒，真系有D唔够喉，好彩加咗 $30变咗做套餐，有饭有汤有沙律，都好抵食。仲有叫咗，西班牙黑毛猪配虎虾， 店员话5成熟就已经够，其实听到都惊惊地，对自己离讲，好似生咗D，不过都试吓啦，上枱啦，望落去都几生，一啖入口，完来5成熟嘅黑毛猪，D肉又香又滑，真系好有肉香，好彩听咗店员讲，如果唔系，真系嘥咗件黑毛猪，而虎虾又大又弹牙，烧完后仲香D，好好味呀！其实由点餐到食完，成个过程都好快，好高效，价钱虽然贵咗少少，不过真系好好食，不过下次要食牛排，一定会再帮衬。