影片
更多
2017-11-19
1121 浏览
食家同事最叻打边炉，佢尤其对海鲜有研究。今次拉大队去食海鲜火锅，我非常期待！我地一行12人book 8点半，但成9点半先齐人上菜。老板一啲都无黑面，仲当我地九点后入坐，送咗碟煮蚬比我地食！我地由8点几坐到2 3点，都无赶我地走。听说佢地每晚每台只做一轮，所以我地先可以饮饱食醉到凌晨！我地叫咗个 B 餐，有波士顿龙虾，法国面包蟹，苏格兰圣子，日本大元贝，沙巴龙趸片，韩国鲜鲍鱼，鹿儿岛黑豚肉，本地肥牛同蔬菜篮。野食都摆到成台都系！龙虾、蟹、蛏子同元贝全部都大大只！仲有我地食家首领睇住个时间帮我地煮， 确保唔会过熟！所有食材都非常新鲜，根本呢个价钱喺出面食唔到。汤底方面，我地叫咗粥底同蕃茄薯仔汤底。蕃茄系食家同事次次都叫，坚正嘅。今次我地多人，我建议加多个粥底，因为粥底配海鲜系一流嘅！最后紧系无做错决定啦。临尾个粥系充满住蟹同龙虾鲜味，浓郁到完全解析唔到，个个双眼发光，个个哗哗！但切忌放肉类，尤其系牛，会破坏咗个粥底架。我地海鲜类就粥底，菜呀，肉呀就茄底。我地12人饮左12支啤酒，食到饱到上心口，加埋碗粥，满足到呢～ 呢一餐人头费嘅价钱，计埋酒水，每人只需$300 ，呢个价钱，点会唔 enc
我地一行12人book 8点半，但成9点半先齐人上菜。老板一啲都无黑面，仲当我地九点后入坐，送咗碟煮蚬比我地食！我地由8点几坐到2 3点，都无赶我地走。听说佢地每晚每台只做一轮，所以我地先可以饮饱食醉到凌晨！
我地叫咗个 B 餐，有波士顿龙虾，法国面包蟹，苏格兰圣子，日本大元贝，沙巴龙趸片，韩国鲜鲍鱼，鹿儿岛黑豚肉，本地肥牛同蔬菜篮。野食都摆到成台都系！龙虾、蟹、蛏子同元贝全部都大大只！仲有我地食家首领睇住个时间帮我地煮， 确保唔会过熟！所有食材都非常新鲜，根本呢个价钱喺出面食唔到。
汤底方面，我地叫咗粥底同蕃茄薯仔汤底。蕃茄系食家同事次次都叫，坚正嘅。今次我地多人，我建议加多个粥底，因为粥底配海鲜系一流嘅！最后紧系无做错决定啦。临尾个粥系充满住蟹同龙虾鲜味，浓郁到完全解析唔到，个个双眼发光，个个哗哗！但切忌放肉类，尤其系牛，会破坏咗个粥底架。我地海鲜类就粥底，菜呀，肉呀就茄底。
我地12人饮左12支啤酒，食到饱到上心口，加埋碗粥，满足到呢～ 呢一餐人头费嘅价钱，计埋酒水，每人只需$300 ，呢个价钱，点会唔 encore 安哥？
张贴
