好吃韓國料理

营业中

休息中

Lunchtime一点去到啱啱full晒，男店员叫我同另一位女士坐住落住order先，稍后安排分开枱坐。虽然估到佢之后就会扮冇左分枱呢回事都唔紧要啦，我同坐对面女士落咗order成20分钟都未出餐，最差系帮我地落单嘅女店员落错单，坚持对面女士系A枱将我个石锅蘑菇牛肉饭比左佢。因为我迟过对面女士落单所以根本上唔知女士order左咩，点知等多5分钟之后落单女店员为声称B枱嘅我送上一个汤饭，咁我就同佢check啦，女侍应仲坚持系冇落错单，仲话我系叫汤饭。大佬呀我叫果个冇汤㗎⋯⋯对面女士都话应该搞错但佢冇为意食左几啖先觉得唔对路。咁冇计啦等都等咗成半粒钟唯有硬食，用10分钟队左成碗汤饭落肚，仲有乌蝇喺度伴舞⋯⋯隔离枱都有向女侍应反映佢地嘅饮品order唔啱，女侍应都只回应丫系咩，等个客讲话唔紧要照饮啦咁，真系Speechless……我因为赶住返Office个汤饭食左一半都冇，但一整个下午狂饮水，可想而知佢d味精几重…. 一分钱一分货，女人街就出左名平所以不能要求太多，但order完要等近25分钟仲要系错嘅实在不能接受，女侍应处事马虎同不认错嘅态度实在令人却步，永冇下次。